“માઈક્રોફીક્સન ફ્લેસ”
૧-“ગુમાની પતંગ”
ચડ્યો ત્યારે બહુ ગુમાનમાં હતો , લે પાછો પડ્યોને!”
“હા એતો જે ચડે એજ પડેને!”
“એ બરાબર પણ પડતા પહેલા જો જરાક વિચાર્યું હોત તો આજે ફરી હવામાં ઉડવાનું મળ્યું હોત.”
“પણ એમ હાર માની માથું નમાવવું શું યોગ્ય હતું”
“આ કોઈને હાથ નાં આવુંની જીદમાં તું જઈ ઝાંખરામાં અટવાયો. એના કરતા કોઈનાં લંબાવેલા હાથમાં પહોચ્યો હોત તો ફરી ઉડવાનું સૌભાગ્ય તો પ્રાપ્ત થાય ને!
રેખા પટેલ (વિનોદિની)
આ પતંગ જેવા સબંધો!
કેટલો વિશ્વાસ કરી શકાય?
સાથ આપતી વહેતી હવામાં,
સઘળું નિયંત્રણમાં લાગે.
પવન પડતા,
ક્યારે તે હાથમાંથી સરકી જાય
સમજાય નહિ.
વળતા પવને
બેચાર ઠુમકે પોતીકો બને
જાણેકે હાથવગો.
પછી આભ મહી …
Source: | વિનોદીની.. on WordPress.com
આ પતંગ જેવા સબંધો!
કેટલો વિશ્વાસ કરી શકાય?
સાથ આપતી વહેતી હવામાં
સઘળું નિયંત્રણમાં લાગે.
પવન પડતા,
ક્યારે તે હાથમાંથી સરકી જાય
સમજાય નહિ.
વળતા પવને બેચાર ઠુમકે
પોતીકો બને જાણેકે હાથવગો.
પછી આભ મહી વિસ્તરે જાણે કે મારૂ મન,
રમત કરતો કરાવતો એ,
બીજો પતંગ મળતાં ભળતો મહી.
પેલામાં અટવાઈ ક્યારે છેહ આપે
કેમ સમજાય ?
બહુ ઢીલ દેતા ક્યારેક સઘળું લુંટી જાય.
ખેંચતાણમાં ટેરવા લોહીલુહાણ કરી જાય.
સચવાઈ જાય તો સધળું દુઃખ માફ.
નહીતો માનવું રહ્યું,
હાથ સાથે નાક કપાવવા ઉડ્યો હતો
આ સબંધ, પતંગ જેવો.
પછી કપાઈ જઈ બીજે અટવાય,
ફરી લલચાવવા કોક મારા જેવાને.
એ પતંગ સબંધ જેવો.
રેખા પટેલ (વિનોદિની)
સફેદ ખેતરમાં,રેખા પટેલ ( વિનોદિની)
પાંપણોના પડદા ઝુકાવી
એ,
બજાર સોંસરી નીકળી
ત્યારે
કેટલીય …
ધારદાર નજરો
તેની આરપાર
નીકળી ગઈ.
અને
એ સ્ત્રી વીંધાઈ ગઈ
કોઈ વીંધણ વિના.
રેખા પટેલ ( વિનીદીની)
આ સસ્તામાં એ સોદો થયો .
એ ગરજ જોઈ મોંઘો બન્યો .
ભાવ ઉચકાય તો આપશું ,
લાલચું સાથ ખોટો પડ્યો.
આયખું આખુ જે માંગતો ,
આજ ત્યાંથી હું પાછો ફર્યો
છેવટે વેચવા આવે હવે
“ના “કહી તેને રોતો કર્યો .
સાથ જેવા તેવા બનવુ છે
આ વિચારી હું ટૂંકો ઠર્યો
ભૂલવી ભૂલ બીજાની એ,
સમજ આવી ને સાચો બન્યો
રેખા પટેલ ( વિનોદિની )
નવલાં વર્ષે
માગું પ્રભુ આટલું
સહુ મંગલ …
💐
ખુશી વહેંચો
તો મળશે વધારે
માંગ્યા વગર
✍️️
દીન જનનાં
જીવન મહી હવે
મંદિર શોધો
રેખા પટેલ ( વિનોદિની)
આ વરસ,વીતી ગયું ,યાદો ઘણી મૂકી ગયું.કેટલી ચાલી ગઈ, કોક આવી કોટે વળગી.
ના ના કરતાં આ વર્ષે પણ ખાસ્સું મળી ગયું …
હળુ હળુ આશાઓ બધી મનમાં ઉગતી રહી
એકાદું સપનું સમયની ખોટે ગોટે ચડી ગયું
આપણાં સહુ સાથ રહેવાના એ યાદ રાખશું
છૂટી ગયો હો સાથ રાહમાં,નકામું પડી ગયું
આવે નવું વરસ ફરી સપના નવા સજાવશું
ગત ભૂલો જોઈ કેમ આગળ વધવું જડી ગયું
રેખા પટેલ ( વિનોદિની )✍️
આ તહેવારોને શું જોઈએ ?
સજવા સજાવવા બહાનું જોઈએ.
અહીતો એક આવે ને એક જાય
આપણે થાય એટલુંજ કરવું જોઈએ.
કોઈના ઘરે જલતા અધધધ દીવડા …
કોઈને રોજ ચૂલો સળગવો જોઈએ.
ક્યાંક રંગ રોગાન ને ફરસાણ પુરી
ક્યાંક ગોળ રોટલાની સોડમ જોઈએ.
મોટા ઘરોમાં તહેવારે એકલતાં ઝાઝી
ઝૂંપડીએ સહુ એકમેકને સાથે જોઈએ.
આ તહેવારોમાં આપણે શું જોઈએ?
રેખા પટેલ ( વિનોદિની)✍️
ધૂઆં પૂંઆ આ ઘરની ભીંતો
વિનોદીની.. 