આભે ચડયો ઉન્માદને વરસી પડ્યો વરસાદ થૈ
ભીંજવતી યાદોમાં તું ટપકી પડયો વરસાદ થૈ
યાદોની ચમકી વીજળી ને ઝળહળી બારાત થૈ
ફરિયાદનાં ફોરામાં તું ચટકી પડયો વરસાદ થૈ
શ્રાવણ ને ભાદરવાનું ભારણ,ભારે બે માસનું ભૈ
હૈયે નિતરતો સ્નેહ પણ અટકી પડયો વરસાદ થૈ
તપતી ઘરા, કેવી ખબરને વરાળ જોડે મોકલી!
આવી પલક ઝબકારે એ વળગી પડયો વરસાદ થૈ
લીલી એ ચોમાસાની વાતો આકરી લાગે ઘણી
એ લીલ જેવું જકડતો લપસી પડયો વરસાદ થૈ
બાકી રહી છે તરસ મારી આટલાં વરસાદ માં
ને સુગંધ માટીની બની લપટી ગયો વરસાદ થૈ
-રેખા પટેલ(વિનોદીની)
વિનોદીની.. 