આવતી કાલનાં સોનેરી સ્વપ્નાં જોતા બાળકોને પેરન્ટ્સ ના પરિશ્રમ ભર્યા ભૂતકાળ થી વાકેફ કરવા ખાસ જરૂરી હોય છે. કારણ જો દુઃખનો અહેસાસ નાં થયો હોય તો સુખનું મહત્વ સમજાતું નથી. અને જ્યાં સુધી તેઓ આ વાત સમજી ના શકે ત્યાં સુધી મળેલા સુખની તેમને મન કોઈ કિંમત જણાતી નથી.

જોય અને રેવા ગુજરાતી પરિવારના અમેરિકન બોર્ન બાળકો છે. તેમના પેરન્ટ્સ આજથી બાવીસ વર્ષ પહેલા ચાર બેગોમાં ઘરવખરી અને જરૂરી મસાલા અને કપડાં લઈને અમેરિકાની ઘરતી ઉપર પગ મુક્યો હતો. અમેરિકામાં નાનકડાં ભાડાનું ઘર લઇ પોતાના રોજીંદા ઘરખર્ચ માટે બંનેએ નોકરીમાં  ભારે મહેનત કરી હતી. આ દરમિયાન મોજશોખ શું છે એ પણ તેઓ ભૂલી ગયા હતા. ત્યાર બાદ પોતાનો આગવો ઘંઘો ખરીદયો. એમાં પણ દિવસ રાત જોયા વિના રોજના ૧૦ થી ૧૨ કલાક કામ કરતા બાળકોને ઉછેર્યા. તેમની મહેનત અને બુધ્ધિના કારણે તેઓ ઘણું સારું કમાતા થયા હતા. શરૂઆતના મુશ્કેલી ભર્યા દિવસો તેમને આજે પણ યાદ છે. તે સમયે પડેલી અગવડ બાળકોને ના પડે એવું વિચારી તે લોકો જોય અને રેવાને બધાજ સુખ આપતા, તેમની દરેક માંગ પૂરી કરતાં. હવે ટીનેજર બનેલા આ બંને બાળકોને દરેક બેસ્ટ વસ્તુઓ લેવાની આદત પડી ગઈ છે . કપડાં થી લઇ કાર સુધી બધુજ બ્રાન્ડેડ માંગતા. જોયને તેની ચોઈસની પહેલી જીપ લાવી આપી હતી, હવે રેવા સિક્સટીન થતા તેણે પણ મોંઘી કારની માંગણી કરી.

પ્રોબ્લેમ અહી એ વાતનો હતો કે હાલની પરિસ્થિતિ પ્રમાણે ઘંઘામાં ખાસ વળતર મળતું નહોતું. આથી તેઓને પણ વધારાના ખર્ચમાં ડોલરની ખેંચ રહેતી.  પરંતુ બાળકોને આ વાતની જાણ નહોતી. આથી અજાણતાં તેઓ પોતાની વિશ પૂરી કરવા જીદ કરતા. નાની મોટી વસ્તુઓ તો તેમના પેરન્ટ્સ તેમને ભીડ વેઠીને પણ લાવી આપતા. પરંતુ આ વખતે કાર માટે તેના ડેડીની સ્પષ્ટ નાં થતા રેવાને લાગ્યું કે મોમ ડેડ ભાઈનું બધું ગમતું બધું કરે છે કારણ તે બોય છે . અને તે ગુસ્સામાં બધાથી અતડી રહેવા લાગી.

એટલે સુધી કે તેણે પોતાની ઈચ્છાઓ પૂરી કરવા મારે સ્ટડી ઉપરથી ઘ્યાન હટાવી પાર્ટ ટાઈમ જોબ શરુ કર દીધી. કોઈ પણ માંગણી સામે ના સાંભળવા રેવા ટેવાઈ નહોતી આથી આ વાત તેને વધુ દુઃખી કરી ગઈ હતી. બાળકો પોતાની જરૂરીઆત પૂરી કરવા જોબ કરે તેમાં કશુજ ખોટું નથી. પરતું મોજશોખની જીદમાં ભણતર બગાડે તે કોઈ માં બાપ સાંખી શકતા નથી.

રેવાની મોમ આખી વાતને સમજી ગઈ, છેવટે તેણે લાગણીમાં નાં ખેચાતાં બાળકોને આજની સ્થિતિ થી વાકેફ કરવાનું ઉચિત માન્યું . આજના બાળકો જેટલા જીદ્દી અને ફેશનેબલ હોય છે તેટલીજ સ્થિતિને સમજી શકવાનાં ગુણ ઘરાવે છે. તેની મોમે જ્યારે અમેરિકા આવેલા ત્યારે તેમને પડેલા હાર્ડ ટાઈમ થી લઇ આજની પરિસ્થિતિ સુધીની આખી વાત ડીટેલ માં સમજાવી. રેવા સાથે જોય પણ આખી વાતને સમજી ગયો. બંનેને સાચી સ્થિતિનું ભાન થતા તેઓએ જાતેજ પોતાના ખોટા ખર્ચા ઉપટ કંટ્રોલ લાવી દીધો.

આ સ્થિતિ માત્ર અમેરિકામાં છે તેવું નથી આપણા દેશમાં પણ બાળકોને બને તો જાહોજલાલી થી થોડા દૂર  રાખી આજની વાસ્તવિકતાની નજીક  રાખવા રાખવાં જરૂરી છે . બાળકોના આંતરિક વિકાસ માટે તડકા અને છાયાં બંનેનો અનુભવ થવો જરૂરી છે. કારણ આવતીકાલની કોઈને ખબર હોતી નથી. લોઢું હોય કે સોનું તેને ટીપીને સુંદર આકારમાં ઢાળવા માટે ગરમ કરવું જરૂરી છે.

આજકાલ સ્ટેટસ અને ફેશનના નામે કેટલાય ખોટા ખર્ચા થતા રહે છે. વસ્તુ તેની કીંમત કરતા કઈ કેટલી ગણી મોંઘી બ્રાન્ડના નામે વેચાય છે. કેટલીક વખત તો કવોલીટીના નામે કઈજ હોતું નથી છતાં બેસ્ટ દેખાવા દેખાદેખી ખરીદી થાય છે. દેવું કરીને જાત્રા નાં કરાય વાતને જાણતા હોવા છતાં પોતાની જાતને સોસાયટીમાં મોર્ડન અને રીચ દેખાવા દેવું કરતા દંભી સમાજ અચકાતો નથી. આજ રીતે મિત્રો વચ્ચે પોતાનું સ્ટેટસ જાળવી રાખવા કેટલાક બાળકો ક્યારેક તેમની માંગ પૂરી નાં થતા ચોરી કરતાં પણ અચકાતા નથી.

     ઘણી વખત આપણે સાંભળીયે છીએ કે આજની જનરેશનને કોઈની પડી નથી. પણ આ સાવ સાચું નથી. આપણે બાળકો માટે યોગ્ય ચીલો નહિ પાડીએ તો તેઓ પોતાનો રસ્તો જાતે બનાવી લેવાના છે. માટે સારું ખોટું સમજાવવા તેમને માથે જવાબદારી અને હકીકત રાખવી જરૂરી છે. આ માટે નાનપણ થી તેમને સમય સાથે પૈસાની અને ક્વોલીટી સાથે વસ્તુઓની કિંમત સમજાવવી એ આપણી ફરજ બની રહે છે.”

રેખા વિનોદ પટેલ(યુએસએ)

 

“ખોટ ”
આવ્યો અણધાર્યો વાયરો
ને ધાર્યું કરી ગયો.
કકડે કકડે ઢાકયું હતું
સઘળું ઉઘાડી ગયો.
દરવાજા તો બંધ હતા
છાપરું ઉપાડી ગયો.
ખાલી દીવાલો રહી ગઈ
એટલું એ જીવાડી ગયો.
હતી બંધ મુઠ્ઠી લાખની
બસ ખાલી કરી ગયો.

રેખા પટેલ ( વિનોદિની)

 

બાળગીત :.. રેખા પટેલ

સુગંધ ઘેલા પતંગિયા ,ગંધે સુગંધે બહુ લહેરાય
ઉડતી હવાને સંગે જાય
પંખ ફેલાવે ગીતો ગાય
ડાળ ડાળીઓ ઘૂમતા જાય
કળીકળીને ચૂમતાં જાય
સુગંધ ઘેલા પતંગિયા ગંધે સુગંધે બહુ લહેરાય
હળવી ફૂંક લગાવે ફૂલને,
રસ, ઘૂંટે ઘૂંટે પીતાં જાય.
પુલકી ઉઠતી પાંદડીઓ
પરાગ પામી ખીલતી જાય
સુગંધ ઘેલા પતંગિયા ગંધે સુગંધે બહુ લહેરાય
ફૂલ કેરી પાંખડી કોમળ
એ પણ હલકાં ઉડતાં જાય.
ઊંચનીચ ના ભાવ નથી
એતો એકમેકને રંગી જાય
સુગંધ ઘેલા પતંગિયા ગંધે સુગંધે બહુ લહેરાય

  રેખા પટેલ (વિનોદિની )

 

उगते सुरज के किरनो संग मुझे याद करना
शबनमी धूप आँगन में उतरे मुझे याद करना

बच्चोंकी ख़ुशीमें, फुलकी हसींमें याद करना
कुछ भी याद करने ना मिले मुझे याद करना

कोई साथ तुम्हारे आये ना आए ,याद करना
दिल जब ख़ुशीको तरसे तो मुझे याद करना

बढ़ जाये मन की पीड़ा तो मुझे याद करना
ख़ामोशी में कोई गूँज सुनाये मुझे याद करना

काली रातों को सपनें सजाओ तो याद करना
चाँद आँगन में चाँदनी बिखरे मुझे याद करना

रेखा पटेल (विनोदिनी )

 

લવ ઇઝ ડ્રગ ,

લવ ઇઝ ડ્રગ , સાચું તો છે. પ્રેમ દવા છે બસ તેની માત્રા સમજાવી જરૂરી છે. કારણ તે ક્યારેક સુખ આપે તો ક્યારેક દુઃખ પણ આપે છે. તેને સમજવો બહુ અઘરો છે. કારણ પ્રેમ જીવતા શીખવે છે તેવીજ રીતે પ્રેમ ભગ્ન થયેલા હતાશામાં ઘેરાઈ મોતને વહાલું કરતા અચકાતા નથી. પ્રેમમાં આ બ્રેકઅપ એક એવી સ્થિતિ છે જેને સમજવી અને સમજાવવી અઘરી છે. જે આમાં થી પસાર થયું હોય તેજ તેને સમજી શકે છે.

અઢાર વર્ષની એમલી વ્હાઈટને હાઈસ્કુલ દરમિયાન શોન સાથે ચાર વર્ષથી લવ હતો. આ સમય દરમિયાન તેઓ હાઈસ્કુલમાં બોય ફ્રેન્ડ ગર્લ ફ્રેન્ડ તરીકે સાથેજ જોવા મળતા. એટલે સુધી કે તેમની પોપ્યુલારીટીને કારણે તેઓ સિનીયર યરના પ્રોમમાં ક્વીન અને કિંગ વિનર જાહેર કરાયા હતા. પ્રોબ્લેમની શરૂઆત ત્યારે થઈ કે જ્યારે બંનેને અલગઅલગ કોલેજમાં એડમિશન મળ્યું . કોલેજમાં ગયા પછી પણ તેઓ રોજ ફોન અને ફેસ ટાઈમ દ્વારા સતત સંપર્કમાં રહેતા. એમલી વધારે પડતી પઝેસીવ હતી. આથી શોનને બીજી કોઈ ગર્લ સાથે વાત કરતા પણ જુવે તો લડી પડતી. શરૂઆતમાં બધું ચાલ્યું છેવટે શોને કંટાળીને તેની સાથે ફોનમાં વાત કરવાનું બંધ કરી દીધું. એટલે સુધી કે ટવીટર અને સ્નેપચેટ માં પણ બ્લોક કરી દીધી. આથી એમલીને બહુ દુઃખ થયું અને તેણે સ્લીપિંગ પીલ્સનો ઓવર ડોઝ લઇ સુસાઇડ કરવાનો ટ્રાય કર્યો.

બરાબર આવી એક ઘટના ગયા મહિને ડેલાવરની એક હાઈસ્કુલમાં ઘટી . હાઈસ્કુલમાં ભણતી ૧૬ વર્ષની એમી જોઇસ સ્કુલની ગલ્સ બાથરૂમમાં થયેલી અંદરો અંદરની ફાઈટમાં મોતને ભેટી. આ ફાઈટ બંનેની વચ્ચે એક બોયફ્રેન્ડ હોવાના કારણે થઇ હતી. એક નાનકડી વાતમાં યંગ ગર્લ પોતાનો જીવ ખોઈ બેઠી તે ખરેખર દુઃખની વાત હતી. હિલેરી ક્લીન્ટને પણ આ બાબતે પોતાનો મત દાખવતા જણાવ્યું હતું કે  “આ ખરેખર હાર્ટ બ્રોકન છે. આને નજર અંદાજ કરી શકાય નહિ”. આપણે પણ યંગ બાળકોને શીખવવાની ખાસ જરૂર છે કે ફાઈટ કોઈ જ પ્રોબ્લેમ્સનું સોલ્યુશન નથી.

પ્રેમ હંમેશા બે લોકોને પાસે લાવે છે. સાથે રહેવું અને પ્રેમથી હેલ્થી રીલેશનથી જોડાએલા રહેવું બંનેમાં મોટો ફર્ક છે. બે વચમાં બહુ પ્રેમ હોય ત્યારે જો બ્રેક અપ થાય તો તે સ્થિતિને સહન કરવાનું બહુ અઘરું બની જાય છે. કારણ એવા સમયે જિંદગીને જીવવાનું કારણ જ ખલાસ થઇ જાય છે. પ્રેમનું બંધન તૂટી જતા સોશ્યલ સબંધો ઉપર પણ કાપ મુકાઈ જાય છે. અને હાર્ટ બ્રોકન વ્યક્તિ એકલતામાં સરી જાય છે.  તેને લાગે છે કે બસ જીવનનો બધી ખુશીઓનો અહી અંત આવી ગયો. આવી સ્થિતિમાં વધારે કરીને ટીનેજર્સ પોતાની ભાવનાઓ ઉપર કંટ્રોલ રાખી શકતા નથી અને સુસાઈડ કરવા સુધીનું પગલું ભરી લેતા હોય છે.

 આજની જનરેશને એક વાત ખાસ ઘ્યાનમાં રાખવા જેવી છે કે કોઈ પણ દુઃખ કાયમી નથી. ગમે તેવો વિચ્છેદ સમય જતા ભુલાઈ જાય છે અને જીવન ફરી થી જીવવા જેવું બની જાય છે. કેટલાક તો આવી સ્થિતિમાં ડીપ્રેસનમાં આવી જતા હોય છે, પરિણામે તેમને સાયકોલોજીસ્ટ પાસે જવાની ફરજ પડે છે.  કે પછી ડ્રગ્સના રવાડે ચડી જાય છે.  એક પાકિસ્તાની એજ્યુકેટેડ ફેમીલી માંથી આવતી સાયરાના ડેડી એન્જીનીયર છે અને તેની મોમ લોયર છે. કોણ જાણે કયા કારણોસર પણ સાયરાના પેરેન્ટ્સ વચ્ચે છેલ્લા કેટલાક સમય થી પ્રોબ્લેમ્સ ચાલતા હતા , લાગતું હતું કે તેઓ  ટુંક સમયમાં તલાક લેશે. ઘરમાં કાયમ થતા ઝગડાઓને કારણે સાયરા મિત્રો સાથે વધુ રહેતી. આમ કરતા તેને અમેરિકન છોકરા સાથે પ્રેમ થઇ ગયો. બધા ટીનેજ વયના બાળકો પ્રેમ બાબતે ખાસ સિરિયસ નથી હોતા. પરિણામે થોડાજ વખતમાં તેમની વચમાં બ્રેકઅપ થઇ ગયું. સાયરા આ બધાથી ડિપ્રેસન માં આવી ગઈ અને મેરાવાના જેવા ડ્રગ્સનો શિકાર બની ગઈ. પેરેન્ટ્સ ને પોતાની ભૂલ સમજાઈ જતા તેમની લાઈફ નોર્મલ થઈ ગઈ. પરતું હવે સાયરાનું શું ? તેના વિષે વિચારવું પણ અગત્યનું બની ગયું . આવા પગલા માત્ર ટીનેજર્સ લે છે તેવું નથી. એજ્યુકેટેડ કે સોસાયટીમાં ફેમસ લોકો પણ પ્રેમ કર્યા પછી બેકઅપને સહન કરી શકતા નથી. અને સુસાઈડ સુધીના પગલા ભરતા અચકાતા નથી.

પ્રેમ સબંધ હોય કે લગ્ન સબંધ છુટા પડવાની વેળા બહુ દુઃખદ હોય છે. તેને સરળતાથી પચાવી લેવાનું મુશ્કેલ હોય છે. સારો ખોટો ગમે તેવો સબંધ તુટે ત્યારે મન ઉપર અસર કરતો જાય છે .આવી વેળાએ ઈમોશન ઉપર કંટ્રોલ રાખવો બહુજ જરૂરી હોય છે.

રેખા વિનોદ પટેલ (યુએસએ).

 

 

બાગનો એક ખાલી ખુણો હોય ને!

બાગનો એક ખાલી ખુણો હોય ને!
આપણી વચ્ચે મીઠુ ઍકાંત હોય..
એક મેકમાં ભળી શકીએ એવા
એ લટક મટક કરતા સંવાંદ હોય.

આંખ સામે તરતા પ્રસંગો હોય ને!
બેઉની આંખોમાં પ્રેમ પ્રગાઢ હોય
એક મેકને અડી લઇએ એવા
હવાને ચીરતાં અનેરા સાદ હોય.

અધૂરી રહી ગયેલી વાત હોય ને!
કહેવા માટે મન બેઉનું અશાંત હોય
એક મેકને સંભળાવી દઈએ એવા
એ શબ્દોમાં ગમતી દાદ હોય.

કોઈ મખમલી કવિતા પાસ હોય ને !
છેલ્લી પંક્તિમાં તારીજ વાત હોય
એક મેકને રૂબરૂ રહીએ એવા
એ પ્યાસ પૂરી કરવાનાં વાદ હોય.

💗રેખા પટેલ(વિનોદિની)

 

 

ક્ષણોને પત્રમાં નહી લખાય,ને પ્રીતને એમ આલેખાય નહીં
લખતા લખાશે આખો ઇતિહાસ ,છે આ તારી ને મારી વાત.

સરસર વહેતી આ સંવેદના અંતરોના માપમાં મપાય નહી
સૌંદર્યના શમણાથી રહેતી પરે,છે આ તારી ને મારી વાત

આતો આભ તણો લંબાતો પ્રેમ છે,નજરો ખેચી દેખાય નહીં
ભરી પાતાળ જેટલી ઊંડાઈ મહી,છે આ તારી ને મારી વાત

ગ્રંથમાં લખ્યું લખાય નહીં અને ગીત ગઝલોમાં સમાય નહીં
મહાગ્રંથો માં પણ માંડ સમાવાય, છે આ તારી ને મારી વાત

ફૂલોના ઢગલા ફીકા પડે છે,આની સુગંધ ઉધાનોમાં માય નહીં
જઇ આખા ચંદન વનને મહેકાવતી આ છે તારી ને મારી વાત

હાર જીતની વાતો પોકળ બધી સમજણ વિના સમજાય નહીં
શંકાનાં બંધનમાં જકડાય નહિ, આ છે તારી ને મારી વાત

રેખા પટેલ (વિનોદિની)

 

રિકોલ …

ખરાબ કે નુકશાનકારક ચીજોને માર્કેટ માંથી ખોટ સહન કરીને પણ હટાવી લેવામાં આ દેશ જરાય વિલંબ કરતો નથી. તેમાય જ્યારે વાત હેલ્થની વાત આવે ત્યારે અમેરિકામાં આ બાબતનો ખાસ ખ્યાલ રખાય છે. કારણ અહી હેલ્થને વેલ્થ કરતા પ્રથમ મહત્વ આપવામાં આવે છે.

હમણાં થોડાજ સમય પહેલા પંદર જેટલા ઓર્ગેનિક ફ્રોઝન વેજીટેબલ્સ માટે રિકોલ આવ્યા હતા. આ રિકોલ એટલે ખરાબ પ્રોડક્ટને માર્કેટમાંથી ઉઠાવી લેવા માટે વેચેલી વસ્તુઓ ને રીટર્ન કરવા યુ એસ ફૂડ એન્ડ ડ્રગ એડમિનિસ્ટ્રેશન તરફ થી ફોન દ્વારા અપાતી સુચના. આ વેજીટેબલ્સને કારણે નાના બાળકોને ઇન્ફેકશન થઇ શકે તેમ હતું , ઓલ્ડ પીપલને હાઈ ફીવર, ડાયેરિયા અને વિકનેસ અનુભવાય કે પ્રેગન્ટ વુમનને આ વેજીટેબલ્સને કારણે નુકશાન ઉઠાવવું પડે તેમ હતું .
પરતું સારું હતું કે આ બધું ઓહાયોના રૂટીન ફૂડ ચેક અપ દરમિયાન બહાર આવી જતા કોઈને નુકશાન થયું નહોતું . અને તરતજ દરેકના ઘરે રેકોર્ડીંગ મેસેજ દ્વારા આવા કોઈ ફ્રોજન પેકેટ્સ હોત તો રીટર્ન કરી દેવાની સુચના અપાઈ હતી. એક વાત અહી જરુર શેર કરીશ કે આખી બેગ વપરાઈ ગઈ હોય અને મુઠ્ઠી જેટલાં વેજીટેબલ્સ વધ્યાં હોય તો પણ ફૂલ પેમેન્ટ પાછુ મળી જતું તે પણ વિધાઉટ રીસીપ્ટ .

છતાંય સાંભળવામાં આવ્યા પ્રમાણે વર્જીનીયામાં કોઈ એક લેડીએ કમ્લેન કરી હતી કે તેને ઓરગેનીક ફ્રોઝન કોર્ન ખાઘા પછી બેચેની જેવું ફિલ થયું હતું અને સાથે ડાયેરિયાની અસર થઈ હતી. જોકે તે તરત હોસ્પિટલ ગઈ હતી અને તેને કોઈ ખાસ નુકશાન થયું નહોતું. છતાં પણ હેલ્પ લાઈન ઉપર આ બાબતે કમ્પલેન કરી કે આના કારણે આવી ગયેલી વિકનેસ ને કારણે જોબ ઉપર જઈ શકી નથી. તો તેને બદલામાં આખા વીકનો પગાર ઘરે ચેક દ્વારા મળી ગયો હતો.

આવીજ રીતે ગયા વર્ષે સપ્ટેમ્બરમાં પેન્સીલવેનિયાના નાઈગ્રા સ્પ્રિંગ વોટર બોટલમાં ઇકોલાના બેક્ટેરિયાના એવીડન્સ મળ્યા હતા .આથી આવીજ રીતે રી કોલ  દ્વારા તરતજ માર્કેટ માંથી બધીજ બોટલો ઉઠાવી લેવાઈ હતી. ત્યારબાદ આખો પ્લાન્ટ શટડાઉન કરી ડીસ ઈનફેક્ટ કરાયો હતો.
નાઈગ્રા સ્પ્રિંગ વોટર એક ફેમીલી ઓન કંપની છે.જે પચાસ વર્ષથી આ પ્રોડક્ટ બહાર પાડે છે. તેમના જણાવ્યા પ્રમાણે ડોલર મહત્વના નથી,  જરૂરી છે “કન્ઝ્યુમર સેફટી “. જે લોકો પબલીકની હેલ્થ સાથે ચેડા કરે છે તેમને ખાસ સમજવા જેવી આ બાબત છે.

અમેરિકાના કાયદા પણ એટલાજ સ્ટ્રીકટ છે. જે પ્રમાણે કોઈ પણ વસ્તુ કે પ્રોડક્ટ થી બીજાને નુકશાન થાય તો જે તે કંપની કે સ્ટોર ઉપર સુ કરી શકે છે અને થયેલી નુકશાની ના બદલે વધારે બેનીફીટ મેળવી શકે છે. પરિણામે બિઝનેસ કે કંપની ઓન કરતા ઓનરો પબ્લિકની સેફટી બાબતે વધારે સચેત રહેતા હોય છે. અહી નાની વસ્તુને પણ  ઇગ્નોર કરાતી નથી. ફૂડ, મેડીસીન થી લઈને ઈલેક્રોનીક્સ અને ટોયઝ સુધીની દરેક વસ્તુઓમાં નાની પણ બાબત નુકશાનકારક લાગે તો તેને માર્કેટમાંથી ઉઠાવી લેવાય છે અને રીપ્લેસ કરાય છે. સભાનપણે કોઈ પણ ભૂલો સામે આંખ મીચામણા કરાતા નથી.

હાલમાં આવોજ એક રિકોલ આવ્યો છે કારમાં સેફટી માટે યુઝ કરાતી એરબેગ માટેની એક કંપની “ટકાટા એર બેગનો “.  જેમાં છેલ્લા આઠ વર્ષમાં આ કંપનીએ પ્રોડ્યુસ કરી ૩૫ મિલિયન એરબેગ જે અગિયાર જુદી જુદી મેન્યુફેક્ચરિંગ કાર કંપનીઓ માટે સપ્લાય કરી હતી. હવે આ બધીજ એરબેગ માટે રિકોલ છે. કારણ આ એરબેગ એકસીડન્ટ વેળાએ પીપલની સેફટી માટે ફીટ કરાઈ હોય છે. જેમાં કોઈપણ જાતની અથડામણ દરમિયાન લાગતા ઝાટકા થી બચવા માટે કારમાં સ્ટેરીંગ વ્હીલમાં ફીટ કરાએલી એરબેગ ખુલી જાય છે અને ડ્રાઈવર પછડાટ થી બચી શકે છે. પરતું અહી એરબેગ વધારે પડતા ફોર્સ થી ખુલી જાય છે .  જેમાં ડ્રાઈવરને વઘારે પડતા પ્રેસરને કારણે જર્ક લાગે છે અને વાગી જવાની શક્યતાઓ રહે છે. પરિણામે બધી એરબેગ રિપ્લેસ કરાવાઈ છે. જે તેમના જણાવ્યા પ્રમાણે આ રીપ્લેસમેન્ટ ૨૦૧૯ સુધી ચાલશે.

આ એરબેગની ભૂલને કારણે આશરે અગિયાર જેટલા ડેથ નોધાયાં છે અને ૧૦૦ જેટલા ઇન્જર થયેલા છે. પરિણામે આ રીપ્લેસમેન્ટ ખાસ જરૂરી હતું. “આવી રીપ્લેસમેન્ટ કે રીટર્ન પોલીસીમાં કંપનીઓને મીલીયનસ ડોલરની ખોટ જાય છે. છતાં માણસોના જીવ સાથે કરાતી રમત કરતા આ ખોટ સસ્તી કહેવાય”. દરેક જીવનું મહત્વ જીવનમાં હોય છે. આથી તેની સેફટી સાથે થતા ચેડા કોઈ પણ ભોગે ચલાવી શકાય  નહિ. દરેક વ્યક્તિ સંપૂર્ણ સલામતી ભરી લાઈફ ઈચ્છે છે તેની માટે સેફટીને ઘ્યાનમાં લેવી ખાસ જરૂરી છે.

રેખા વિનોદ પટેલ ( યુએસએ)

 

મૌનનું એ નોતરૂ લાગ્યું અનોખુ.
તોય આંખોને થયું હું કૈક બોલું

ભાવ કરવાનું રહેવા દો ને આજે.
જે કિંમત ક્હેશો એ ભાવે આજ જોખું.

આંગણે આવ્યા અને પાછા ફર્યા કાં?
ના કહેવાનું પ્રયોજન કેવુ નોખું

તોલ સાથે મોલ કરવા સૌને ફાવે
પ્રેમમાં લુંટાવું સઘળું , મન એ મોટું

સૂર્ય ધરતીને વિનાં માંગે દે સઘળું
દાન આપી માન માંગે બહુ જ ખોટું.

શબ્દનો આધાર લઇને રોજ આવું
હાથની રેખાઓ ખાઇ જાય ગોથું

-રેખા પટેલ (વિનોદિની)
ગાલગાગા-ગાલગાગા-ગાલગાગા

 

બાળગીત

સુગંધ ઘેલા પતંગિયા ,ગંધે સુગંધે બહુ લહેરાય
ઉડતી હવાને સંગે જાય
પંખ ફેલાવી ગીતો ગાય
ડાળ ડાળીઓ ઘૂમતા જાય
કળીકળીને ચૂમતાં જાય
સુગંધ ઘેલા પતંગિયા ગંધે સુગંધે બહુ લહેરાય
હળવી ફૂંક લગાવી ફૂલને,
રસ, ઘૂંટે ઘૂંટે પીતાં જાય.
પુલકી ઉઠતી પાંદડીઓ
પરાગ પામતાં ખીલતી જાય
સુગંધ ઘેલા પતંગિયા ગંધે સુગંધે બહુ લહેરાય
ફૂલની પાંખડી બહુ કોમળ
થઈ હલકાં એ પણ ઉડતાં જાય.
અહી મારું તારું ઝાઝું નથી
એ એકમેકને રંગી જાય
સુગંધ ઘેલા પતંગિયા ગંધે સુગંધે બહુ લહેરાય

  રેખા પટેલ (વિનોદિની )