ચ્હા સાથે ચાહ : પ્રેમમાં ઉગવું કે પ્રેમમાં પડવું?

ચ્હા સાથે ચાહ : પ્રેમમાં ઉગવું કે પ્રેમમાં પડવું?

આ જગમાં આવેલો કોઈ પણ મનુષ્ય એવો નહિ હોય કે તે કોઈને કોઈ પ્રકારે કોઈ સાથે પ્રેમમાં નાં થયો હોય. કેટલાકના જીવનમાં પ્રેમ પ્રગતિનું કારણ બને છે તો કેટલાકના જીવનમાં પ્રેમ મુશ્કેલીઓ લઈને આવે છે.

પ્રેમ માણસની આંતરિક શક્તિઓ નો વિકાસ કરે છે. માટે જો તર્ક લગાવીએ તો પ્રેમમાં પડવું કરતા ઉગવું શબ્દ વધારે શોભે છે. જીવનમાં પ્રેમ આવે છે ત્યારે ચારે બાજુ સપનાઓ …ના સુગંધી વન ઉગી નીકળે છે. માણસ હવામાં અધ્ધર ચાલતો થઇ જાય છે. તો તેને પડ્યો કેમ કહી શકાય?
મારા માટે પ્રેમમાં નિરંતર પ્રગતિ થાય છે. હળવું બનેલું મન રોજ કૈક અલગ કરવા પ્રેરાય છે. આનંદ અને ઉત્સાહ થી છલકાય છે. અને આજ સાથે આવતીકાલના સપના જોવામાં તલ્લીન થાય છે.
“અને પ્રેમમાં પડવું, એટલે અધોગતિ થવી. સાચા પ્રેમમાં અધોગતિનું નામોનિશાન નથી હોતું. હા જ્યાં છળ હોય કપટ હોય ત્યાં પડવું અને પાડવું હોય છે. પણ ત્યાં પ્રેમ જ નથી હોતો”.

મિતાલી એકધાર્યું જીવન જીવતી હતી. જીવનમાં ખાસ કોઈ ઉત્સાહ નહોતો. પરતું જ્યારથી પ્રવીણ સાથે પ્રેમનો નાતો બંધાયો ત્યારથી તેનાં જીવનમાં આગળ વધવા કોઈ બહાનું મળ્યું. મિતાલીને લાગ્યું કે આજ સુધી માત્ર એ પોતાની માટેજ જીવતી હતી, હવે એને પ્રવીણ માટે પણ જીવવું હતું. આથી તેની શક્તિઓ બેવડાઈ ગઈ. અને એ પ્રેમમાં ઉગી નીકળી.

પ્રેમ,ક્રોધ અને અહંકારને વશ કરી લે છે, મનમાં શુધ્ધતા ભરે છે સાથે ત્યાગ અને સંવેદનાને જન્મ આપે છે. આમ સદગુણોના ઉત્પન્ન થવાને ઉગવું જ ગણી શકાય.
આજ પ્રેમમાં અમે ઉગ્યાં છીએ ,પળ પળમાં મહેક્યા છીએ
છોડી દુઃખોના સઘળા ભારા ,લો હલકા થઈને શ્વસ્યા છીએ
રેખા પટેલ (વિનોદિની)
અગાઉ પણ જણાવ્યું છે અહી મારા મનના વિચારો માત્ર હશે જે દુનિયાદારી થી અલગ પણ હોઈ શકે)
***********************

પ્રેમ કરું છું, હું તને પ્રેમ કરું છું,
જાણું નહીં કે કેટલો ને કેમ કરું છું..

વધતો રહે છે,સહેજ પણ ઘટતો નથી કદી,
છલકાતો જાય છે, હું જેમ જેમ કરું છું..
હું તને પ્રેમ કરું છું…

દિવસો વીતી રહે છે તને જોઈ જોઈને,
રાતો પસાર હું જેમ-તેમ કરું છું..
હું તને પ્રેમ કરું છું…

ખીલતો રહું છું હુંય ને ખૂલતો જઉં છું હું,
ગમતું રહે છે જેમ તને હું તેમ કરું છું..
હું તને પ્રેમ કરું છું…

ભૂલીને ઘાટ જૂજવા એકાંતની ક્ષણે,
ઓગાળી એને હેમનું હું હેમ કરું છું..
હું તને પ્રેમ કરું છું… તુષાર શુક્લ

Rekha Patel

 

ટેકનોલોજી આપણા જીવનને સરળ અને સિક્યોર બનાવે છે”

ટેકનોલોજી આપણા જીવનને સરળ અને સિક્યોર બનાવે છે”

જ્ઞાન સાથે વિજ્ઞાનનું કોમ્બીનેશન કાયમને માટે અનોખું રહ્યું છે. આ ટેકનોલોજી નો યુગ છે. આપણી જિંદગી ને જયારે ટેકનોલોજીએ પોતાના કંટ્રોલમાં કરી લીધી છે ત્યારે એટલું જાણવું જરૂરી છે કે તે આધુનિક ઉપકરણોનો સાચો ઉપયોગ કેવી રીતે કરી શકાય. સાથે તેના ફાયદા અને ગેરફાયદા વિષે જાણવું મહત્વનું છે.

આજકાલ લગભગ દરેકના હાથમાં સ્માર્ટ ફોન જોવા મળે છે. જ્યારે માણસ કંઈ ના કરતો હોય ત્યારે તે ફોન સાથે ચેડા કરતો હોય છે. તેવા સમયમાં તેનું મનગમતું કાર્ય હોય છે. શોશ્યલ મીડિયા સાથે કોન્ટેક્ટમાં રહેવું કે પછી કોઈ વિડીયો ગેમ્સમાં ડૂબેલું રહેવું.

હમણા એક બનાવ સાંભળવા મળ્યો. આ દસ વર્ષની એક સ્પેનીશ છોકરી જેનીસની વાત છે. જેનીસની મોમ ડિવોર્સી હતી. તેણે એક બીજા સ્પેનીસ યુવક સાથે રીમેરેજ કર્યા. જેનીસનો આ સ્ટેપ ફાધર કોઈ કન્સ્ટ્રકશન કંપનીમાં કામ કરતો હતો. તેની મોમ પ્રાઈમરી સ્કુલમાં ટીચર હતી. સામાન્ય રીતે મા દીકરી સવારમાં સ્કુલ સાથે જતા. પરંતુ સાંજે જેનીસ કલાક વહેલી ઘરે આવતી અને તેની મોમ ટીચર હોવાથી થોડી મોડી આવતી.  આ કલાક મોટેભાગે તેનો સ્ટેપ ફાધર ઘરે વહેલો આવી તેનું બેબી સીટીંગ કરતો. અમેરિકામાં તેર વર્ષથી નાની ઉંમરના બાળકોને લીગલી ઘરમાં એકલા મુકાય નહિ.

વહેલી આવતી જેનીશ સાથે તેનો સ્ટેપ ફાધર ટાઈમ સ્પેન્ડ કરતો. જેનીશ બહુ રૂપાળી છોકરી હતી. તેને વહાલ કરવા, તેની ટેકકેર કરવા માટે તેનો સ્ટેપ ફાધર શરૂમાં તેની નજીક જઈ ગાલ ઉપર અને બરડે એમ હાથ ફેરવી પંપાળતો. તેમ કરતા તેનામાં કોઈ વિકૃતિએ જન્મ લીધો. હવે તેની નજર આ નાની બાળકી ઉપર બગડી.  અત્યારની જનરેશન ઉંમરના પ્રમાણમાં બહુ  હોંશિયાર થઈ ગઈ છે તે વાત સાવ સાચી. અત્યારે ઈન્ટરનેટ અને બીજા માધ્યમો થી બાળકોને સેક્સ અંગેનું જ્ઞાન વહેલું આવવા લાગે છે. જેનીસને લાગ્યું કે તેનો આ ડેડ તેની સાથે કંઈ અલગ બિહેવ કરી રહ્યો છે.  તેમાંય જ્યારે તે ટાઈટ હગ કરતો તે વાત જેનીસને જરાય ગમતી નહોતી. જેનીસે તેની મોમને આ વાત કહી તો જવાબ મળ્યો “હી લવ્સ યુ ,હી ઇસ યોર ડેડ”. હવે જેનીસ ચુપ રહેતી.

        આથી તેના સ્ટેપ ડેડની હિંમત વધી ગઈ. પરિણામે એક દિવસ દારૂના નશામાં તે વધુ છૂટછાટ લેવા લાગ્યો. જેનીસને લાગ્યું હવે મોમને ફરી કહેવું પડશે. પરતું તે હવે વધુ એલર્ટ થી ગઈ હતી અને કારણ હતું ટેકનોલોજીનો ભરપુર વિકાસ અને ફેલાવો. જેનીસ પાસે આઈ ફોન હતો જે તેની મોમનો જુનો વધારાનો ફોન હતો. તે ફોન તરીકે યુઝ નહોતો થતો પરતું તેમાં ડાઉનલોડ કરેલા સોન્ગ્સ સાંભળવા, ગેમ્સ રમવા અને ફોટા પાડવા જેનીસ તેનો યુઝ કરતી હતી. તેની સ્કુલમાં દર મહીને યોજાતી એસેમ્બલીમાં બાળકોને અલગ અલગ સબ્જેક્ટ ઉપર અવેરનેસ વિષે શીખવવામાં આવતું હતું. જેના ભાગ સ્વરૂપે થોડા સમય પહેલા જેનીસને મુશ્કેલીના સમયે વિડીયો રેકોર્ડીંગ વિષે સમજાવવામાં આવ્યું હતું.  આ વખતે તેણે સ્કુલમાં શીખવ્યા પ્રમાણે સાવચેતી પૂર્વક તેનાં ફોનનો વિડીયો ઓન કરી બધુજ રેકોર્ડ કરી લીધું અને તેની મોમને બતાવ્યું. પરિણામે તે આવતા સંકટથી સમયસર બચી ગઈ.

                      આમ ટેકનોલોજી આપણા જીવનને સરળ અને સિક્યોર બનાવવામાં હેલ્પ કરે છે. કેટલીય વાર સમયસર મદદ મળતા મોટા એકસીડન્ટ થતા રહી ગયા હોય કે કેટલાયની જાન બચી ગઈ હોય તેવા દાખલાં જોવા મળ્યા છે. બરાબર આજ વખતે એક ચોંકાવનારી વાત સામે આવી હતી. જેમાં તેના આ સ્ટેપ ફાધરને કોઈ સેક્સી વિડીયો ગેમ રમવાની આદત હતી. જેમાં સતત ડૂબેલો રહેતો હતો, આથી એમાં આવતા સેક્સી અને વાયોલેન્સ સીનની તેના ઉપર ભારે અસર થઈ હતી. અને ઉત્તેજનાને પરિણામે એ પોતાનો કાબુ ગુમાવી બેઠો હતો.

ટેકનોલોજી ના અવળા અને સવળા બેવ પાસા જોવા જરૂરી છે. આજકાલ બાળકોમાં સાથે મોટાઓમાં પણ વિડીયો ગેમ્સ નું ચલણ ભારે જોવા મળે છે. કેટલાક સાયકોલોજી નિષ્ણાતોનું માનવું છે કે વિડીયો ગેમ રમવાથી બાળકોનું માઈન્ડ શાર્પ અને ત્વરિત નિર્ણયો માટે તૈયાર થાય છે. તો સામા પક્ષે એક મોટો વર્ગ માને છે કે આવી  ગેમ્સ માં બાળકો રચ્યા પચ્યા રહી સમયનો બગાડ કરે છે. તેમાય વધારે પડતી આવતી વાયોલન્સ અને ક્રિમીનલ અગ્રેસીવ બિહેવિયર ઘરાવતી ગેમ તેમના કુમળા બાળ માનસને વિકૃતિઓ તરફ દોરે છે.

    થોડા સમય પહેલા કોલંબીયાની હાઈસ્કુલમાં ભણતાં એક સ્ટુડન્ટે હાઈસ્કુલમાં ગન લાવી શુટિંગ કર્યું હતું. તેનું આમ કરવાનું કારણ હતું તે કોઈ વિડીયો ગેમના કેરેક્ટરથી ઈન્સ્પાયર થઇ તેના જેવો બનાવાનો પ્રયત્ન કરતો હતો. પરિણામે કેટલીક આવી ઉત્તેજક સેક્સી અને વાયોલન્સ ગેમ્સ ઉપર ” અમેરિકન સાયકોલોજીકલ એશોસીએશન” (APA ) દ્વારા પ્રતિબંધ કરાવાયો છે. તેઓનું પણ માનવું છે કે કોઈ પણ આવી રમત જો સતત ત્રણ કલાક રમવામાં આવે તો તમે તેની અસર હેઠળ ચોક્કસ આવી શકો છે.

“જેમ દરેક સિક્કા ની હંમેશા બે બાજુઓ હોય છે, તે પ્રમાણે અદ્યતન ટેકનોલોજી ની ખૂબી અને ખામીઓને ગણતરીમાં લઇ તેનો કેવો અને કેટલો ઉપયોગ કરવો તે જાણવું જરૂરી છે. જો આમ કરવામાં આવે તો જીવન સરળ અને સલામત અને મનોરંજનથી ભરેલું રહે છે. “

રેખા વિનોદ પટેલ (યુએસએ)

 

दिल की बातें______

माँ का आँचल, बाप की दुवाएँ, बुजुर्गों की यादें, बच्चों के खिलौने और बहनों की राखियाँ कितनी पवित्र पावन होती हैं और साथ ही किसान का पसीना, मजबूर के आंसूं, मुफ़लिस के उदास चूल्हे और फुटपाथ पर अख़बार बिछा कर सोते हुए मज़दूर की थकान, शायरों को क्या क्या नये अर्थ प्रदान करती है …अगर आपको यह समझना हो तो रेखा पटेल से मिलिए, जी, हिन्दुस्तान की ये शायरा हालांकि रहती अमेरिका में हैं पर ग़ज़ल की अमानत वहां भी संभाल कर, संजो कर रखी है…आइये इस मुल्क की माटी आवाज़ देते हैं…रेखा पटेल जी को …

दिल की बातें______

कह ना सके जो दिल की बाते उसे शेर बनाकर सुना दिया,
जो ख़त तुम्हे हम दे न सके उसे गीत गज़ल है बता दिया,

शुक्रिया तुम्हारा हँसकर तुमने जुदाई का जहर पिला दिया,
मिले जो तुमसे गम के तोहफे, हमने शायरी में जता दिया,

खुद ही जाकर फकीर की भीड़ में पहेला नाम लिखा दिया,
वैसे तो तुम्हे हम पा ना सके, मीरा का किशन बना दिया

इल्जाम जमाने के सहकर अपने लबको हमनें सिला दिया
अब क्या डरना बेघर होने से खुद अपना सपना जला दिया,

एक ही खुशियों का पल था,करके कुरबान तुम्हे जीता दिया
ऊँचा सर तुम्हारा रहे,सोचकर कद छोटा अपना करा दिया

सिर्फ साथ तेरा पानेकी चाहमे, मंज़िल को हमने मिटा दिया
भूलकर अपना ख़ास वजूद जीते जी कब्र का पता दिया

रेखा पटेल (विनोदिनी) डेलावर (यु एसस ए )

 

‘સાચી શ્રધ્ધાંજલિ

સંવેદનાનું સીમકાર્ડ : ‘સાચી શ્રધ્ધાંજલિ” રેખા પટેલ 🙏

અદિતિ માધ્યમવર્ગના માતાપિતાનું એકનું એક સંતાન, ટૂંકી આવકમાં કરકસર સાથે જીવતા માતાપિતાએ અદિતિને બહુ લાડકોડ થી ઉછેરી હતી. પહેલેથી જ મહત્વકાક્ષી અદિતિના સ્વપ્નો બહુ ઊંચા હતા, તેને ભણવા સાથે હરવા ફરવાનો અને ફેશન જગત સાથે તાલમેલ મિલાવી ચાલવાનો જબરો શોખ હતો. આમતો અદિતિના પિતાને જુદી જુદી જગ્યાઓ ઉપર જવાનો બહુ શોખ હતો છતાં તેઓ પોતાની બધી ઈચ્છાઓ ને મનમાં દબાવી દીકરીને ફરવા મોકલતા. તેવીજ રીતે તેની મમ્મી તેમના શોખને મનમાં સંઘરી રાખી દીકરીના મોજશોખને પોષતી હતી.આમ અદિતિના માતાપિતા તેની દરેક ઈચ્છા પૂરી કરવા બનતું બધું કરી છુટતાં હતા.

જોકે અદિતિ આ વાતને ત્યારે ખાસ સમજતી નહોતી, બસ તેને બધાની સામેં ધી બેસ્ટ રહેવું હતું. છતાં એક વસ્તુ તેની બહુ સારી હતી. તે હતી ” તેની ઓનેસ્ટી ” . અદિતિ કઈ પણ સારી ખોટી વાત તેના પેરેન્ટ્સ થી છુપાવતી નહોતી. પરિણામે જીવનના દરેક પગલે તેને તેમની સારી અને સાચી સલાહ તેને મળતી રહેતી.

અદિતિ જીવનને મસ્તીમાં જીવતી હતી સાથેસાથે સ્ટડીમાં પણ બેસ્ટ રહેતી હતી. આમ તેને સમયસર એમબીએ પૂરું કરી લીધું, દેખાવમાં અત્યંત રૂપાળી કહી શકાય તેવી અદિતિ માટે કેટલાય માગાં આવી ચુક્યા હતા પરતું સ્ટડી પહેલા કહી તે બધાને ઠુકરાવતી રહી.
” છેવટે મા બાપની અધુરી ઈચ્છા પૂરી કરવા માટે અદિતિએ એક દિવસ પોતાના મનની વાત સામે ચાલીને કહી. ” મમ્મી પપ્પા હું વિકાસને પસંદ કરું છું. જે કોલેજમાં મારા કરતા એક વર્ષ આગળ હતો, તે એમબીએ કમ્પ્લીટ કરીને હાલ પુનાની એક પ્રતિષ્ઠિત કંપનીમાં ઉચા પગારની નોકરીમાં જોઈન્ટ થયો છે.’
મમ્મી પપ્પાની ઈચ્છાને માન આપી અદિતિએ વિકાસને ઘરે બોલાવ્યો. શાલીન સ્વભાવનો વિશાલ તેમને પસંદ આવી ગયો. તે પણ તેના માતા પિતાનું એક માત્ર સંતાન હતો. વિકાસના પિતાનું પુનામાં પોતીકું ઘર હતું અને તે રીટાયર્ડ ગવર્મેન્ટ ઓફિસર હતા. આથી લગ્ન પછી અદિતિ પુના તેમની સાથેજ રહેવાની હતી. દીકરીને મનગમતો વર અને સારું ઘર મળતા અદિતિના પેરેન્ટસે ખુશી ખુશી દીકરીના લગ્ન મનગમતી જગ્યાએ કરાવી આપ્યા.

અદિતિ પરણીને વડોદરા થી પુના ચાલી ગઈ. ત્યાં તેને પણ એક સારી કંપનીમાં જોબ મળી ગઈ. એક વર્ષ તો પલક ઝબકારે પસાર થઈ ગયું. આખું વિક જોબ હોય ને વીકેન્ડમાં વિકાસ સાથે બહાર ફરવા જવાનો પ્લાન હોય. ક્યારેક ફેમીલી સાથે કોઈ સોશ્યલ પ્રસંગોમાં જવાનું બનતું. હા ઉનાળામાં વિકાસને તેના માતા પિતા સાથે એક વિક ફરવા જવાનું થયું. અદિતિએ નોઘ્યું હતું કે તેના સાસુ સસરા બહુ ખુશ હતા. છતાં પોતે વિકાસથી સહેજ દૂર થાય તો તેઓ તેમના દીકરા સાથે સમય પસાર કરવાનો એક પણ મોકો ચુકતા નહોતા. આ બધા સમય દરમિયાન તેને મમ્મી પપ્પાને મળવાનો ખાસ મોકો મળ્યો નહોતો , બસ ફોન ઉપર તે સમય મળતા અચૂક વાત કરી લેતી. એક દિવસ તેને કંપનીના કામે વડોદરા જવાનું થયું. વર્ષ પછી ઘરે આવતા તેને મમ્મી પપ્પાની લાઈફમાં ખાસ્સો બદલાવ લાગ્યો. બહારથી હસતા આ બંને અંદરથી મુંઝાતા જણાયા.

અદિતિએ બહુ પૂછતાં તેમણે જણાવ્યું કે તેઓ અદિતિ વિના રહેવાથી હજુ ટેવાઈ શક્યાં નથી, પરતું દીકરીના સુખે બહુ સુખી છે.” જણાવી અદિતિના હૈયાનો ભાર હળવો કરતા રહ્યા. અદિતિ પોતે પણ હવે મા બાપને યાદ કરતી હતી. છતાં દીકરી સાસરે શોભે વિચારી બે દિવસ રોકાઈ તે ભારે હૈયે પાછી વળી.

કેલેન્ડરના પાનાં તૂટતા રહ્યા. ફરી ઉનાળો આવી ગયો. એક સાંજે જમ્યા પછી ડાઈનીંગ ટેબલ ઉપર અદિતિએ બધાની વચ્ચે એક એન્વેલપ ખોલ્યું. જેમાં ગોવાના કોઈ રિસોર્ટનું ચાર દિવસના પેકેજનું બુકિંગ કન્ફર્મેશન હતું.
” અદિતિ આ શું છે?” વિકાસે નવાઈ પામતા પૂછ્યું.
” વિકાસ તું ,મમ્મી અને પપ્પા ચાર દિવસ માટે ગોવા જાઓ છો, અને એ માટે મે તમારી લીવ પણ મંજુર કરાવી લીધી છે.” અદિતિએ કહ્યું
“પણ તું કેમ નહિ?” ત્રણેવ એક સાથે બોલી ઉઠ્યા.
” મમ્મી પપ્પા આપણે અહી સાથે જ હોઈએ છીએ પરંતુ આ દિવસો તમે માત્ર તમારા દીકરા સાથે વિતાવો તેવું હું ઈચ્છું છું.” બોલતા અદિતિનો અવાજ ભારે થઈ ગયો .

બીજા દિવસની આવીજ સાંજે જમ્યા પછી વિકાસે એક એન્વેલપ અદિતિના હાથમાં મુક્યું જેમાં કેરાલાની ત્રણ ટીકીટો પેકેજ ટુર સાથે હતી.
” અદિતિ જેવી ઝંખના મારા માતાપિતાના મનમાં છે તેવીજ તારા પેરેન્ટ્સના મનમાં પણ જાગતી જ હશે. હું જાણું છું તારા પેરેન્ટ્સે અભાવો વચ્ચે કોઈજ મોજશોખ નથી કર્યા. હવે તારો વાળો છે તેમને જે નથી મળ્યું તે બધુજ અપાવવાનો” અદિતિ સમય અને સ્થાન ભૂલીને વિકાસને વળગી પડી. તેની આંખોમાં ચોધાર આંસુ વહેતા હતા……………………

“બહુ નશીબદાર હોય છે એ દીકરા દીકરી જેમને મા બાપનું ઋણ ઉતારવાનો મોકો મળે છે. જે પણ સંતાનોને આવો કોઈ મોકો મળે પ્લીઝ અચૂક પેરેન્ટ્સ ને ગમતું કરી લેજો. તેની ઇચ્છાઓને પરિપૂર્ણ કરી દુનિયાનું સર્વોત્તમ સુખ મેળવી લેજો.આ તેમને માટે જીવતા જીવત સાચી શ્રધ્ધાંજલિ ગણાશે ”

“આ વાર્તા હું મારી આવી ઘણી બધી ઈચ્છાઓને અધુરી રાખીને , છવ્વીસ વર્ષ પહેલા અમને છોડી શ્રીજી ચરણ ગયેલા મારા પપ્પાને શ્રધ્ધાંજલિ તરીકે અર્પણ કરું છું.”

રેખા વિનોદ પટેલ (ડેલાવર, યુએસએ)

 

ચહેરો ચમકતો રહે હંમેશા સ્મિતે મઢેલ આવો વર્ષોના વરસ

ચહેરો ચમકતો રહે હંમેશા સ્મિતે મઢેલ આવો વર્ષોના વરસ
સાજન તમારી સંગમાં મને આ જીવન લાગે છે સ્વર્ગથી સરસ

દીધો હતો મારો મહેંદી ભરેલો હાથ તમારા હાથમાં વિશ્વાસ થી
સાચવ્યો સઘળો ભેદ ભરમ તમે ,જાણી આપણી મોંધી જણસ

કાયમ દીવડા નેહ તણા જલતા રાખી, પ્રીતની જીત અલખ કરી
પ્રેમનાં પૂરમાં મુજને ડુબાડી, તોય અકબંધ રાખી છે મારી તરસ

સતત ચલાવી છે મારી મનમાની ,ભૂલાવી દીધી ઉણપની અસર
ચુપકેથી અંતરમાં રહી,આપણે ઉર્મિઓ વહેચી છે અરસ પરસ

વિના તમારે શું રંગોની ઉજવણી,ના તહેવારોની રોશની કામની
સાથ તમારો સદા વસંત છે ,રોજ સવાર એ મારે મન નુતન વરસ

જોડી આપણી એવી સરસ જાણે બે હંસોની જોડ સદા અખંડ
હું વિનોદની વિનોદિની, તમે “વિનોદ” વિનોદે વરસો એકરસ

– રેખા વિનોદ પટેલ (વિનોદિની)

 

કાચની કેબીનનું બારણું બહારથી નોક કરતા રચના બોલી
” મેં આઈ કમિંગ સર “?
અંદર ઇઝી ચેરમાં બઠેલા રાજ સરનો ઘેરો અવાજ સંભળાયો “યસ કમિંગ રચના કહો?
“સર બંને ફાઈલ કમ્પ્લીટ થઇ ગઈ છે”. રચના બોલી
“આજે આટલી ઝડપી કામ થઈ ગયું, કઈ ખાસ”?
” યસ સર જો આજે બે કલાક વહેલા ઘરે જવું છે, જો આપ રજા આપો તો, આજે દીકરીની બર્થડે છે”
” રચના! તમને જાણ છે મારી માટે સમયની પાબંધી કેટલી મહત્વની છે.. કામ પૂરું થયું તેનો અર્થ એ નથી કે બીજું કામ બાકી નથી” રાજનો અવાજ બદલાઈ ગયો ગુસ્સો તરવરી ઉઠ્યો
” રચના ચુપચાપ બીજી ફાઈલો ઉઠાવી બહાર ચાલી ગઈ” આંખોમાં ઉદાસી અને કેટલુંય ગુમાવ્યાનું દુઃખ ઝળકતું હતું.
થોડીવારમાં રાજના આઈફોન ઉપર એક ક્યુટ રીંગ ટોન વાગી ઉઠયો, કામના ભારણ હેઠળ પણ રાજના હોઠો ઉપર હાસ્ય રેલાઈ ગયું
” યસ ડાર્લિંગ વોટ યુ વોન્ટ ફોર્મ પાપા”
” પાપા કેન યુ કમ અર્લી ટુડે ” મીઠો અવાજ રણકી ઉઠ્યો
” સોરી બેટા હું જલદી આવવનો ટ્રાય કરીશ પણ બહુ અર્લી નહિ અવાય” રાજ તેની ઢીંગલીને પટાવતા બોલ્યો.
પાપા યુ હેવ ટુ કમ, હું રિસાઈ જઈશ, તમે પ્રોમિસ કર્યું હતું કે આજે મને સાંજે ચોપાટી લઇ જશો” દુઃખી થતા દીકરી બોલી .
અને એક પણ સેકન્ડની વાર લગાડ્યા વિના રાજ બોલ્યો” પ્રોમિસ માય ડોલ આઈ વિલ કમ અર્લી” સામે છેડે લાવ યુ પાપા કહેતા ફોન મુકાઈ ગયો.
કૈક વિચારતા ઇન્ટરકોમ દબાવી રચનાને અંદર બોલાવી
” રચના આજે દીકરીની બર્થડે છે તો તમે લાંચ પછી ઘરે જઈ શકો છો અને હા ઓફીસ તરફ થી તેની માટે એક ગીફ્ટ જરૂર લઇ જજો કહેતા એક કવર હાથમાં પકડાવ્યું.
રચનાની આંખોમાં તરવરતી એક મા ખુશી થી ઝૂમી ઉઠી

રેખા પટેલ (વિનોદિની)