હું કવિતા ….
શબ્દે શબ્દને જોડું છું
અર્થોને જાણી, સમજીને સજાવું છું
એક પળ જીવીને એમાં,
હું જિંદગી જણાવું છું.
ક્યારેક વહેતી નદી બની,
પથરા મહી તણાવું છું.
હું સુકા દરિયા મહી
સ્નેહની નાવ ચલાવું છું.
ફૂલોના રંગો ચોરીને,
પાંખો પતંગિયાની સજાવું છું.
હું કવિતા ….
ક્યારેક આંખો મહી મોતી ભરું
હોઠો પર હસી વિખેરું છું.
કદીક ભીતરે મૌન ભરું
કદી શબ્દોને ઉછાળું છું.
હું વસંતનું બહાનું ધરીને
કોયલની કુહુ ચલાવું છું
હું સુરજને ભાલે ચોડું
તારલીયાથી માંગ સજાવું છું
હું કવિતા ….
શબ્દે શબ્દને જોડું છું
અર્થોને જાણી, સમજીને સજાવું છું
એક પળ જીવીને એમાં,
હું જિંદગી જણાવું છું.
ક્યારેક વહેતી નદી બની,
પથરા મહી તણાવું છું.
હું સુકા દરિયા મહી
સ્નેહની નાવ ચલાવું છું.
ફૂલોના રંગો ચોરીને,
પાંખો પતંગિયાની સજાવું છું.
હું કવિતા ….
ક્યારેક આંખો મહી મોતી ભરું
હોઠો પર હસી વિખેરું છું.
કદીક ભીતરે મૌન ભરું
કદી શબ્દોને ઉછાળું છું.
હું વસંતનું બહાનું ધરીને
કોયલની કુહુ ચલાવું છું
હું સુરજને ભાલે ચોડું
તારલીયાથી માંગ સજાવું છું
હું કવિતા ….
રેખા પટેલ (વિનોદિની )
વિનોદીની.. 