સમજદારીની પાળ બાંધવી જોઈએ

પ્રિય  સખી  સુજાતા
તારો પત્ર મળ્યો ,વાંચી થોડી ચિંતા થઇ આવી ,તું લખે છે તારી સોળ વર્ષની દીકરી સ્વીટીને આવતા વર્ષે યોજાનારી કોઈ બ્યુટી કોન્ટેસ્ટ માં જોડાવું છે અને તેની માટે તે અત્યારથી તેના શરીરનું વધારે પડતું ઘ્યાન રાખવા માંડી છે , તે જણાવ્યા પ્રમાણે સ્વીટી સવાર સાંજ એકસરસાઈઝ કરે છે સાથે ખાવાનું લગભગ અડધું કરી નાખ્યું છે , આ વાત હું સમજી શકું છું કે આ એક ઉંમર છે જ્યાં દરેકને બીજાઓ કરતા વધુ રૂપાળું દેખાવાની હોડ હોય .  પણ તું કહે છે તેમ તે હમણાં થી તે કોઈ ફેટ બર્ન મેડીસીન પણ લેવા માડી છે . બસ સખી આ વાત મને રૂચી નથી
એમ નથી કે બધી દવાઓ નુકશાન કારક હોય છે ,છતાં આવી દવાઓમાં કેમીકલની માત્ર જરૂર કરતા વધારે હોવાની જે આગળ જતા આડઅસર આપે છે ,તેમાય આ બધા માટે તેની ઉંમર નાની છે માટે તેને સમજાવવી આપણી ફરજ બને છે.

આજ કાલ યોજાતા જુદાજુદા નામ હેઠળના બ્યુટી કોન્ટેસ્ટ જોઈ ક્યારેક સવાલ થાય છે કે સ્ત્રીઓ ને માત્ર સુંદરતાનું પ્રતિક ગણાવવી કેટલા હદ યોગ્ય ગણાય ? આ ઘેલછા ક્યા સુધી બરાબર લાગે છે ?  હમણાં સાંભળવામાં આવેલો એક કિસ્સો તને જણાવું છું.  અહી ફિલાડેલ્ફીયા માં રહેતી ઈલોઈસ એમી નામની 21  વર્ષની યંગ બ્યુટીફૂલ યુવતી નું મૃત્યુ ઈન્ટરનેટ દ્વારા મંગાવેલી ડાયેટ પિલ્સ ના ઓવરડોઝ થી થયું .  આ દવા હાઈ ટોકસીક ઇન્ડસ્ટી યલ કેમિકલ યુઝ કરાઈ બનાવાઈ હતી , આના ઓવરડોઝ ને કારણે મેટાબોલીઝમ સેલ વધારે બર્ન થયા પરિણામે તેનું અંદરનું  બોડી ઓવરહીટ થઈ ગયું અને શારીરિક સિસ્ટમ ખોરવાઈ જતા તેજ દિવસે તેનું મોત થયુ , આમ બહારે પ્રીટી દેખાવાની ઘેલછામાં માં તે જિંદગીને કાયમ માટે ખોઈ બેઠી .

સુજાતા આજે તને કેટલીક વાતો આવા બ્યુટી કોન્ટેસ્ટ વિશેની લખું છુ.  જેમાં બહારથી ચમકદમક આપતી આ ફરિફાઈ વિશેની અંદરની વાતો જાણવા જેવી હોય છે. આ ટાઈટલ જીતવા માટે વિશ્વભરની રૂપાળી યુવતીઓ પોતાના શરીરથી લઈ મન સુધીના બદલાવ માટે સજ્જ હોય છે. કેટલાક દેશો તો આ ખિતાબ જીતવો ગૌરવ ગણી પોતાની સુંદરીઓને ઘોળા દિવસે તારા બતાવે તેવી ક્રૂર ટ્રેનિંગ આપીને આ કોમ્પિટિશન માટે તૈયાર કરે છે.
અહી જવા ઇન્ટરેસ્ટ ઘરાવતી  છોકરીઓને નાની ઉંમરથી જ ખાસ ટ્રેનિંગ આપવામાં આવે છે. જ્યાં તેમને શરીરને ચરબી વિનાનું પાતળું રાખવાની પહેલી ફરજ પડે છે આ માટે જરૂર કરતા ઓછો ખોરાક આપવામાં આવે છે , વધારે ખાઈ ગયેલા ખોરાકને ઉલટી કરી કાઢી નંખાય છે . આવી કોન્ટેસ્ટમાં 17 થી 24 વર્ષની યુવતીઓ ભાગ લઇ શકે છે , આથી નાની ઉમર થી જ તેમના અંગ સુડોળ રહે અને ઊંચાઈ વધે તે માટે હોર્મોન્સના ઇન્જેક્શન આપવામાં આવે છે.

અહી ભાગ લઇ રહેલી સ્ત્રીઓ ના શારીરિક  સૌંદર્યને ઝીણવટ થી જોવામાં આવે છે ત્યાર બાદ તેમની બુધ્ધી શક્તિનો ક્યાસ પણ કાઢવામાં આવે છે, આવી સૌદર્ય સ્પર્ધામાં રંગને કોઈ મહત્વ અપાતું નથી . બધી પરીક્ષાઓમાં ઉતીર્ણ થયેલ યુવતીને મિસ યુનિવર્સ, મિસ  વર્લ્ડ , મિસ અર્થ વગેરે ઉપનામ આપવામાં આવે છે , આ એક વર્ષ દરમિયાન તેઓને જવાબદારીના ભાગ રૂપે લગ્ન કરવાનો હક છીનવાઈ જાય છે , આ ઉપરાંત તેમને ચેરીટી વર્કમાં કામ અલગ અલગ દેશોમાં ફરી લોકોને હેલ્થ, ભણતર ,સ્વચ્છતા જુદાજુદા રોગો વિષે જાગૃત કરવા પડે છે, ટુંકમાં સમાજસેવા તેમના કામનો એક ભાગ બની જાય છે , બદલામાં તેમને ફેન, ફેઈમ અને પૈસા મળે છે.

આ સ્વપ્ન મોટાભાગે તે યુવતીઓમાં તેમના માતા પિતા બચપણ થી રોપી દેતા હોય છે.  અને બચપણ થી તેમને આ માટે તૈયાર કરાય છે ,તેનો એક જીવંત દાખલો છે અહી અમેરિકામાં ચાલતો એક રીયાલીટી શો ….  “ટોડલર્સ એન્ડ ટીયારાઝ”  2008 થી શરુ થયેલ આ રીયાલીટી શો ચિલ્ડ્રન બ્યુટી પેજન્ટ માટે જાણીતો છે . જેમાં સાવ નાના ભૂલકાઓને ભારે મેકઅપ અને ગ્લેમર થી તૈયાર કરી , બ્લીચીંગ, વેક્સિંગ જેવી ટ્રીટમેન્ટ કરાવી કેટવોક કરાવાય છે . આવા પ્રોગ્રામમાં મોટાભાગે મા બાપ બાળકોને તેમની મરજી વિરુદ્ધ પોતાની મહત્વકાંક્ષા પૂરી કરવા ઘકેલાતા હોય છે .

આજથી પચીસ વર્ષ પહેલા જ્યાં પેરેન્ટસ ને બાળકો ઊંચા કપડાં પહેરે તે પસંદ નહોતું ત્યાં હવે ટુંકા કપડાં પહેરી એડલ્ટ પણ શરમાય તેવા સેક્સી પોઝ આપતા શિખવાડવામાં આવે છે,  પેડેડ બ્રા પહેરાવી અને શરીર ચપોચપ કપડાં પહેરાવી રેમ્પ ઉપર ખુશી ખુશી મોકલી આપે છે . આમ અપાતા જરૂર કરતા વહેલા શારીરિક જ્ઞાન તેમના માસુમ મગજમાં વિકૃતિઓ લાવી શકે છે આધુનિક સમાજમાં નાના બાળકોને પોતાના એમ્બીશીયસ નો ભોગ બનાવી તેમને દિવસ રાત સુંદરતા અને ફેશનમાં ડુબાડી દઈ,તેમને જરૂર કરતા બહુ વહેલા મેચ્યોર બનાવી તેમની માસુમતાને ઓગાળી નાખે છે.

બેન ,જ્યારે આપણે જ સમાજનાં ઉગતી આશાઓ જેવા બાળકોને વિકૃત બનાવવા માગતા હોઈએ ત્યાં તેમનો દોષ કેટલો કાઢવો ?, પોતાના સંતાનોના રૂપ ગુણનું ગૌરવ દરેક માં બાપને હોય છે જે કશુજ ખોટું નથી છતાં તેનો અતિરેક થાય ત્યાં આપણેજ સમજદારીની પાળ બાંધવી જોઈએ   ” .
ચાલ હવે હું રજા લઉં… નેહાની સુમધુર યાદ.

રેખા વિનોદ પટેલ (યુએસએ)

https://vinodini13.wordpress.com