ટુંકી વાર્તા : મહેનત

ટુંકી વાર્તા : મહેનત
“સવિતા તું આજે ફરી કામ કરવા મોડી પડી છું ” રીના ગુસ્સે થતા બોલી.

હા બહેન થોડું મોડું થઇ ગયું ,મારો ગટુ માંદો પડયો છે ,મને છોડતો જ નહોતો પરાણે રડતો મુકીને આવી છું ” સવિતા દુઃખી થઈને બોલી.

“ગમે તેમ હોય હવે હું રોજ રોજ આ બધું નહિ ચલાવી લઉં, તારે કામ ના કરવું હોય તો નાં કહી દેજે ” રીના અકળાઈને બોલી.

નાં બહેન કામ તો કરવુજ છે ને , મહેનત કરીશ તો બે રોટલા ભેગી થઈશ ,કાલ થી મોડું નહિ કરું ” કહેતી સવિતા વાસણો ઉટકવા બાથરૂમ તરફ ચાલી ,

તેની આંખોમાં દર્દ સ્પસ્ટ વંચાતું હતું પણ રીનાને એ જોવાનો સમય નહોતો ,તેને તો તેના ફસ્ટ ગ્રેડમાં ભણતાં દીકરા રજત માટે તેની ભાવતી ચીઝ મેક્રોની અને પાસ્તા સેલેડ બનાવવું હતું માટે સવારથી કામમાં બીઝી હતી.

બે હાથે બને તેટલું કામ ઝડપથી પૂરું કરવા માટે સવિતાએ હાથ ચલાવવા માંડ્યા , લગભગ બે કલાકમાં તેનું કામ પૂરું થઈ ગયું .
“બેન હવે હું જાઉં ,કાલે સમયસર આવી જઈશ ” તે બોલી.

” આજે જલ્દી કામ પતાવ્યું , બરાબર કર્યું છે કે પછી વેઠ ઉતારી છે ” મેક્રોની બનાવતા રીના બોલી.

“બધુય બરાબર કર્યું છે બેન ,તમે જોઈ લ્યો પછી હું નીકળું “.

નાં થોડી વાર પછી જજે , આજે રજતને કેક ખાવી હતી તું સોસાયટીના નાકે આવેલી બેકરી માંથી તે લઇ આવ” કહેતા પૈસા અને થેલી તેને પકડાવી દીધી.

બહેન મારે વહેલા ઘેર જવું છે ગટુ ….પણ તેને સાંભળવા રીના ત્યાં રોકાઈ જ નહોતી અને સવિતાના બાકીના શબ્દો ગળામાં અટકી ગયા.

આટલી ઉતાવળ પછી પણ સવિતા ત્રણ કલાકે ઘેર પહોચી શકી. બહાર ઓસરીમાં જૂની ગોદડીમાં લપેટાએલો તાવ થી તપતો પાંચ વર્ષનો ગટુ તેને જોતાજ વળગી પડયો ” મા કેમ મોડી આવી” ?

“લે જો બેટા તારી માટે ચોકલેટ લાવી છું ” કહેતા બેકરી ઉપરથી રૂપિયાની ચોકલેટ લાવી હતી તે ગત્તુંના હાથમાં મુકી અને માં દીકરા બંનેની આંખો હસી ઉઠી.

સ્કુલ છુટતાં રજત ઘરે આવ્યો ” મમ્મી બહુ ભૂખ લાગી છે તમે શું બનાવ્યું મારી માટે “?

આજે તારી ફેવરીટ ચીઝ મેક્રોની “.

રજત ઝડપભેર હાથ ઘોઈ ડાઈનીંગ ટેબલ ઉપર બેસી ગયો અને ટેબલ પછાડતાં ” મમ્મી હરીઅપ ,બહુ ભૂખ લાગી છે “.

” ખુશ થતા રીનાએ કોર્નીંગનાં બાઉલમાં મેક્રોની આપી , રજતે એક સ્પુન મ્હોમાં મૂકી ” છી આતો ટેસ્ટલેસ છે , મારા ફ્રેન્ડની મમ્મી બહુ સરસ બનાવે છે , મારે નથી ખાવી ” કહી ત્યાંથી ઉભો થઈ તેની વિડીયો ગેમ જોવા બેસી પડયો .

રીનાની આંખોમાં ઝળઝળિયાં આવી ગયા ” મારી સવારની મહેનત “

રેખા પટેલ (વિનોદિની)

 

“જિંદગી જીવતા શીખવું જરૂરી છે’

પ્રિય મોટાભાઈ , નમસ્કાર ,
હું જાણું છું તમે મારાથી નારાજ હશો પણ આજકાલ બાળકો સાથે થોડી બીઝી હતી કારણ અહી હવે સમર વેકેશન પૂરું થવા આવ્યું તો તેમનું સ્કુલ શોપિંગ સાથે ડોક્ટરની એપોઈમેન્ટ વગેરે સ્કુલ ઓપન થાય તે પહેલા અમારે બધું પતાવવાનું હોય.સ્કુલ શરુ થતાની સાથે પૂરું કરી દેવાનું હોય છે ,આ એક રીતે સારું છે કે દરેક બાળક ફીઝીકલી ફીટ છે કે નહિ તેની તપાસ ફરજીયાત પણે થઇ જાય છે . પણ મોટાભાઈ ગમે તેટલી વ્યસ્તતા વચ્ચે પણ તમે યાદ નાં આવો એતો કેમ બને ? તેમાય આ વખતે તો આજ સમયે અહી અમેરિકામાં “લેબર ડે” આવ્યો. આ સાથે તમારી યાદ અને તમારા સિધ્ધાંત યાદ આવી ગયા.

અમે જ્યારે નાના હતા ત્યારે સ્કુલનું હોમવર્ક તમારી પાસે બેસીને કરતાં હતા ત્યારે ભણાવતી વખતે તમે હંમેશા અમને કંઈક અલગ શીખવતા હતા , એક વખતે ખેતમજુરી વિશેના નિબંધ માં તમે શીખવ્યું હતું તે આજે પણ બરાબર યાદ છે. કહેતા હતા કે કોઈ પણ પ્રકારનું કામ હલકું નથી હોતું ,તેથી દરેક કામ કરનારને માન ની નજરે જોવા જોઈએ અને સાથે સાથે તેમને યોગ્ય મહેનતાણું મળે તે પણ એટલું જરૂરી છે, કારણ દરેક સામાન્ય વર્કર પોતાની જીવન જરૂરીયાત પૂરી કરવા માટે તનતોડ મહેનત કરતો હોય છે . તેમાય તમે ખાસ કહેતા કે બાળ મજુરી દરેક દેશનાં સમાજનું દુષણ છે ,બાળકોને મજુરી આપવા કરતા તેમને શિક્ષણ આપવું જોઇયે જેના પગલે આગળ જતા એક સભ્ય અને શિક્ષિત સમાજની રચના થશે .

તમારી આ શિખ આજે પણ મારા વિચારો સાથે બરાબર એક થઇ ગઈ છે, માટેજ અહી “લેબર ડે ” આવતા તમે ખાસ યાદ આવી ગયા . અને સાચું કહું તો મારી સાથે અહી અમેરિકામાં રહેતા આપણા ભારતીય ભાઈ બહેનો આ વાતને બરાબર પચાવી ચુક્યા છે કે જીવન જરૂરીયાત માટે કરાતું કોઈ કામ હલકું નથી હોતું , કારણ આ દેશનું બંધારણ જ એવી રીતે બન્યુ છે કે પોતાના કામ જાતે કરવા .

આ વખતે લેબરડે સપ્ટેમ્બર 7 નાં રોજ આવી રહ્યો છે , આ દિવસને માત્ર એક રજાના દિવસ તરીકે ના જોતા બીજી નજરે જો જોવામાં આવે તો અહી કામ કરતા કરોડો લોકોને સન્માન પૂર્વક જોવાનો એક દિવસ ફાળવાયો છે.

ભાઈ , અહી અમેરિકામાં લેબર ડે સોમવારે આવે છે , જેથી કરીને શનિવાર, રવિવાર સાથે સોમવાર મળી ત્રણ રજાઓ સાથે આવે જેને અહી લોંગ વિકેન્ડ કહેવાય છે , આ દિવસે લગભગ દરેક નાના મોટા ઘંધા બંધ રાખતા હોય છે , સ્કુલ કોલેજ અને ગવર્મેન્ટ ઓફિસીયલી રજા જાહેર થતી હોય છે. આમ તો સામાન્ય રીતે વિકેન્ડમાં અહી રજા હોય છે જ પરંતુ આ દિવસની ઉજવણીના ભાગ સ્વરૂપે લોકો વધારે કરી આઉટ ડોર પાર્ટીઓ કરી એન્જોય કરતા હોય છે કે પછી બીચ ઉપર જઈ તેનો આનંદ માણતાં હોય છે ,અહીની પાર્ટીઓ એટલે ખાવું પીવું અને મોજ મસ્તી , ખરેખર જિંદગીને જીવતા આપણે તેમની પાસે થી શીખવા જેવું છે. “કામ પણ એટલુજ મન દઈ કરે છે અને આનંદ પણ મન મુકીને કરે છે “.

હું તમને આ દિવસની ઉજવણીની શરૂવાત કેવી રીતે થઇ તે વિષે આજે ટુંકમાં તમને જણાવું તો …. પહેલાના સમય માં મજુરી કરતા વર્કરોને કોઈ ખાસ રજાઓ નહોતી મળતી , તેમની આખી જિંદગી સખત કામ અને અઘરી શરતો વચ્ચે કામમાં પીસાઈને પૂરી થતી હતી, તેમાય વેતન પણ સાવ ઓછું રહેતું . સાથે સાથે નાના બાળકોને પણ મજૂરીએ ચડાવી દેવાતા હતા .
આવા સમયમાં તેમની આવી દશા જોઈ અમુક લીડર વર્કર્સ ભેગા મળીને એક યુનિયન ની રચના કરી અને હાયરઓથેરીટીઝ સામે તેમના હકની માંગણી મુકવા માંડી . 1857 માં પીટર મેગ્વાયરને લેબર ડે નો આઈડીયા આવ્યો ,અને દસ હજાર વર્કર્સ સાથે મળીને ન્યુયોર્ક સ્ટ્રીટમાં એક રેલી કાઢી. પીટર, વર્ષો સુધી વર્કર્સના હક માટેની લડાઈ રહ્યા છેવટે 1894માં કેન્ગ્રેસમાં લેબર ડે ની નેશનલ હોલીડે જાહેર કરાઈ .

આ લોંગ વિકેન્ડ એટલે સમર વેકેશન નો અંત સામાન્ય રીતે અઢી ત્રણ મહિનાની રજાઓ પછી સ્કુલની નવી ટર્મ શરુ થવાની તૈયારી. બાળકો પણ નવા જુના મિત્રોને મળવા ઉતાવળા થતા હોય છે . કોલેજમાં દુર ભણવા જતા બાળકોને ઘરે થી દુર મોકલતા પેરેન્ટ્સ માટે શરૂવાતના દિવસો થોડા વસમાં પડતા હોય છે, પણ જેમ આપણા મમ્મી પપ્પા ટેવાઈ ગયા હતા તેમ અહી પણ બધા ઝડપથી રૂટીનમાં આવી જતા હોય છે ,” ચલતી કા નામ ગાડી ” ભાઈ જીવન તો બસ આનુજ નામ છે ને ! લેબરડે પછી અમેરિકાના ઇસ્ટ કોસ્ટના તહેવાર ની માફક ઘમઘમતા ખુશીઓ ઉછાળતા દરિયા કિનારાના બધા બીચ ઓફિસીયલ બંધ કરાય છે ,કારણ હવે બાદ થોડાજ સમયમાં પરાણે આવકારાતી ઠંડીના આગમન શરુ થવાના એંધાણ આવતા હોય છે. ઘરમાં પુરાઈ રહેવાના દિવસો નજીક આવવાના છે જાણતા લોકો આ તહેવારને બેવડી મસ્તીથી ઉજવી લેતા હોય છે. કેટલીક જગ્યાએ સાંજે ફાયરવર્કસ પણ કરાતું હોય છે.

“જેમ આવતી ખુશીઓને આવકારવા અહીની પ્રજા ઉત્સાહી હોય છે તેમજ ખુશીઓને વિદાઇ કરવા માટે પણ પાછી પાની કરતી નથી કારણ આજે જે જશે તે કાલે ચોક્કસ પાછું આવશે આ જીવન મંત્રને તેમણે સમજીને પચાવી લીધો છે ”
ચાલો ભાઈ હું રજા લઉં વધારે ફરી થી જણાવીશ.
નેહાના પ્રણામ

રેખા વિનોદ પટેલ
યુએસએ

 

उन हथेलीमें एक बार चहेरा देखा था ,आईने की तरफ तबसे मुड़ना भूल गये,

उन हथेलीमें एक बार चहेरा देखा था ,आईने की तरफ तबसे मुड़ना भूल गये,
नशीली आँखोसे छलकता जाम पीया था,मैको फिर होठोंसे लगाना भूल गये.

सपनोंमे सही जबभी उन्हें हम देख लेते, झोली भर लेते ईदी समज कर,
उसने हथेलिओं पर हिना रचाई ,तबसे घरमें हम जलसे सजाना भूल गये.

कुछ मजबूरियाँ और कुछ अधूरी अभिलाषा के बीच, हम जीते ढलते रहते,
सबकी झोलीमें खुशियाँ भरने की चाहमें ,हाथ अपना हकसे बढ़ाना बुल गये.

एक बार उसकी झलक देख ली , जन्नतकी हूरो को आदाब कहना छोड़ दिया,
दूरियों में उम्र गई,वो आये मैयत से पहले,हम पलके कब्रसे उठाना भूल गये .

जिसकी कृपासे सब मिलता है, उसको अपनी मोह माया तले भूल चले
मतलबी दुनियाको मंज़िल बना बैठे, राम रहिम को दिया जलाना का भूल गये .

रेखा पटेल (विनोदिनी)

 

“આપણી હિંદુ સંસ્કૃતિ અને ગીતાનું જ્ઞાન”

માનનીય મહેશભાઈ સાહેબ ,
પ્રણામ ,ઘણા વખતે તમને આ રીતે પત્ર લખી રહી છું. છતાં તમારા આપેલા સદવિચારો અને તમારી શીખ હંમેશા નજર સમક્ષ રહ્યા છે માટે આજે ટીચર્સડે આવતા તમને મનની વાત કહેતા હું મારી જાતને રોકી શકી નથી .
ગુરુ હંમેશા માનનીય રહ્યા છે તેમાય જે ગુરુ ,ટીચરના આપેલા સંસ્કારોને કારણે જીવન માર્ગ સહેલો બને તે હંમેશા પૂજનીય રહે છે ,માટે તમારા ચરણોમાં મારા વંદન સ્વીકારજો.
સર આજે આ પત્ર લખવાનું ખાસ કારણ એજ્કે ટીચર ગમેતે ઘર્મ કે જ્ઞાતિનો હોય છતાં તેની વિચારસરણી સબ ઘર્મ એક સમાન હોવી જોઈએ અને તે આજે મારી દીકરી રીનીના ઈંગ્લીશ ટીચર મેથ્યુ એ પુરવાર કરી બતાવ્યુ, કારણ તે પોતે ક્રિશ્ચિયન હોવા છતાં આજે રીનીના ક્લાસરૂમમાં એવી કેટલીક વાતો બાળકો સામે મૂકી કે મારું મસ્તક પણ તે સાંભળતાં અહોભાવ થી ઝુકી ગયું અને તમે યાદ અવી ગયા.

મેથ્યુ ડેવિસ એક યંગ અમેરિકન ટીચર છે જેને અલગ અલગ સંસ્કૃતિ માટે ભાવ છે તેમાય આપણી હિંદુ સંસ્કૃતિ માટે ખાસ લગાવ છે, માટે તે ક્યારેક કોઈ પ્રશ્ન હોય તો જરૂર તે વિષે મારી સાથે ચર્ચા કરતા હોય છે, અને અલગ અલગ દિવસે અનુકુળતાએ બાળકોને જુદાજુદા દેશના કલ્ચરની વાતો કરી કે ડેમો આપી બાળકોનું જ્ઞાન વધારતા હોય છે. ત્યારે આવા ટીચર્સ માટેનું માન બેવડાઈ જાય છે ,કારણ સારા શિક્ષક એ આપેલા જ્ઞાન દ્વારા બાળકોના જીવનમાં  આવનારી કાંટાળી કેડીને સરળ બનાવે છે.

હવે જો મેથ્યુ સરની વાત કરું તો તે જાણતા હતા કે આવનારા વીકમાં આપણો પવિત્ર તહેવાર જન્માષ્ટમી આવે છે તો તેની થીમ પ્રમાણે તેમણે વાંચેલા જ્ઞાન પ્રમાણે બાળકોને કૃષ્ણ જીવન અને આપણી ભગવત ગીતા વિષે જ્ઞાન આપ્યું .  તેમના બાળકોને સમજાવ્યા પ્રમાણે રીની ઘરે આવીને મને કહેતી હતીકે આપણા કૃષ્ણ ભગવાન જેલમાં જન્મ્યા હતા છતાં તે કિંગ બન્યા ગોડ  બન્યા અને તેમણે  બધાને એક હોલી “પવિત્ર ” બુક આપી જેમાં 18 ચેપ્ટર્સ  છે જ્યાં આપણે કેવી રીતે રહેવું કેવા કામ કરવા  ,અનફેર થતું હોય તો તેની સાથે લડવું બેડ નથી અને હેલ્પ લેસ હોય તેમને હેલ્પ નાં કરવી એ ક્રાઈમ કહેવાય …
રીનીને આટલી નાની ઉમરે અમેરિકન સ્ટાઈલમાં મેથ્યુ સરસ રીતે ગીતાનું જ્ઞાન આપી ગયા હતા.આ એક ઉત્તમ શિક્ષકનું ઉદાહરણ છે.

સર , અમેરિકામાં ઘણી યુનીવર્સીટીમાં એક કલ્ચર પ્રોગ્રામના ભાગ રૂપે હવે હિંદુ સંસ્કૃતિ અને ગીતાનું જ્ઞાન અપાય છે.  તેમાં તો ન્યુજર્સીની SHU યુનીવર્સીટીમાં તો કમ્પલસરી ભગવત ગીતા વિષે શીખવે છે, આ યુનીવર્સીટી જુદાજુદા કલ્ચરનું નોલેજ વિદ્યાર્થીઓ ને આપવા માગે છે ,તેમના જણાવ્યા મુજબ સ્ટુડન્ટ ભારતની સંસ્કૃતિમાં વિશેષ રસ ધરાવે છે.  જેથી લાસ્ટ યર થી અહી ભગવત ગીતાને એક સીગ્નેચર કોર્સ તરીકે લેવાયો છે.
બીજી ઘણી સ્કૂલો અને યુનીવર્સીટીમાં હરે રામ હરે કૃષ્ણના સંતો આવીને બાળકોને ભગવત ગીતા વિષે જ્ઞાન આપે છે , આમ આપણા માનું જે સારું છે તેનો પ્રચાર વહેલો મોડો બધેજ થઈ રહ્યો છે તે જાણી આંતરિક આનંદ થાય છે.

આનાથી વધારે જો કહું તો અહીં સામાન્ય રીતે હોટેલ મોટેલમાં નાઈટ સ્ટેન્ડની બાજુમાં બાઈબલ નું પુસ્તક મુકવાની પ્રથા છે ,જેથી આવનાર ગેસ્ટ ફાજલ સમયનો સદુપયોગ કરી શકે , સર આપણે તો ખબર છે અહી મોટેલ ઇન્ડસ્ટીઝ માં આપણા ભારતીઓ તેમાય ગુજરાતીઓ નું ભારે વર્ચસ્વ છે તો તેમના હસ્તક્ષેપ ના કારણે શરૂમાં થોડા ડરને સાથે લઇ બાઈબલ સાથે ગીતાના પુસ્તકને પણ મુકવાનું શરુ કર્યું અને તમને જાણીને નવાઈ લાગશે કે આ પ્રયોગને બહુ સારો આવકાર મળ્યો અને આજે મોટાભાગની મોટેલ્સ માં આપણું આ પવિત્ર પુસ્તક મળી આવે છે.

હું તમને અહી પેન્સીલ્વેનીયા સ્ટેટમાં આવેલા વ્રજ મંદિર વિષે થોડી વાત જણાવું તો અહી આવનારને એવોજ ભાસ થાય છે કે તે ભારતના કોઈ પવિત્ર કૃષ્ણ મંદિરમાં આવી ગયા હોય , કૃષ્ણપ્રેમી અને પુષ્ટિમાર્ગીય વૈષ્ણવોનાં હ્લદય ભક્તિથી છલકાઇ જાય છે.

આ સુંદર વિશાળ મંદિરની બહાર પથ્થરો ગોઠવીને ગોવર્ધન પર્વત બનાંવેલો છે જ્યાં તેને ફરતે સુંદર દેવ પુરુષોની મૂર્તિઓ ગાય અને વાછરડાને ગોઠવ્યા છે
મંદિરની બરાબર પાછળ આવેલુ ગોમતી તળાવ મંદિરને એક પવિત્ર આભા આપી જાય છે.

અહી વ્રજમાં આપણે જેમ દેશમાં શ્રીનાથજીમાં ભગવાન શ્રીનાથજી બાવાની મંગલા આરતી થી શરુ કરી શયન આરતી સુધીની તમામ સમયસરની પૂજા આરતી થાય છે , પ્રસાદ અને થાળ ધરાય છે ,છતાય આવતા નંદોત્સવને સૌ વૈષ્ણવો ભેગા મળીને ભારે ઉત્સાહ પૂર્વક ઉજવે છે.

હિન્દુઓના આ પવિત્ર તહેવાર ને અમેરિકામાં એકટાણું કરી લોકો ભારે શ્રધ્ધાથી ઉજવે છે ,મંદિરોમાં તો ઠીક પણ ઘણા લોકો પોતાના ઘરે દરવર્ષે નિયમિત કૃષ્ણ જન્મોત્સવ બરાબર રાતીના બારના ટકોરે મનાવે છે.

“ક્યારેક તો લાગે છે ભારત કરતા લોકો અહી વધારે શ્રદ્ધાળુ થતા જાય છે . અહીના લોકો પણ હવે ઉપવાસ એટલેકે ફાસ્ટિંગ ને જાણતા સમજતા થયા છે તેઓ સમજી ગયા છે કે આપણ ને હજારો વર્ષો થી શીખવવામાં આવતા ઉપવાસ નું વૈજ્ઞાનિક કારણ એ છે કે  એ આત્મશક્તિ માં વધારો કરે છે, સાથે સાથે આરોગ્યની દ્રષ્ટીએ પણ એ મહત્વનું છે.”

ચાલો સર હું રજા લઉં આજે ઘણી વાતો કરી ,આજના દિવસે ગુરુને મારા વંદન…. નેહાના પ્રણામ

રેખા વિનોદ પટેલ.
યુએસએ

 

એક કૃષ્ણ જન્મ થયો

:
જુઠ્ઠું બોલવું,સહુ કોઈને છેતરવા, સાચી ખોટી વાતોથી અમીર ગરીબ બધાને વેતરવા
એ જન્મ્યો ત્યારથી લઇ આજ લગી એણે કોઈની આંતરડી ઠારી નથી.
જાણનારા સહુ કોઈ કહેતા આ ભલા પંડિતને ઘેર પથરો પાક્યો છે .
આજ કાલ કરતા એકવીસ થયા પણ એને કોઈની બીક કે શરમ નહોતી અડતી.

આજ રાત કૃષ્ણ જન્મની ઉજવણીમાં ભક્તજનો મંદિરમાં ભજન કીર્તન કરતા હતા.
રાત્રે અગિયારના સુમારે આ પંડિતનો કુપુત્ર જુગટુ ખેલી દારૂના નશામાં ધરે પાછો આવતો હતો.

રસ્તામાં એક ખુણામાં કોઈના કણસવાનો અવાજ સાંભળ્યો,
કોઈ માંડ વીસ વર્ષની અનાથ ભિખારણ રસ્તાની ધારે ફૂલેલા પેટને પસવારતી કણસી રહી હતી
કોણ જાણે શું થયું પેલો પંડિત પુત્ર આ બાળ જન્મ આપવા તત્પર છોકરીને બે હાથમાં ઉઠાવી,
હાંફતો હાંફતો નજીક ની હોસ્પીટલના પગથીયા ચડી ગયો.
હાજર ડોકટરે સમયસુચકતા વાપરી અને અંદર બારના ટકોરે એક બાળ કૃષ્ણનો જન્મ થયો.

બરાબર આજ સમયે ત્યાં બહાર ફોર્મ ભરતી નર્સે પેલાને પૂછ્યું” આ બાળકનો પિતા કોણ છે” ?
પંડિત પુત્રે પાછળ પોતાનું નામ લખાવી દીધું, આ સાથે બહાર બીજો એક કૃષ્ણ જન્મ થયો.

પાસેના મંદિરમાં “હાથી ઘોડા પાલખી કૃષ્ણ કૈનેયા લાલકી ,

નંદ ઘેર આનંદ ભર્યો જય કૈનેયા લાલકી “ની ગુંજ ગુંજી ઉઠી.

રેખા પટેલ (વિનોદિની )

 

તરસ્યું મન હો ત્યારે મૃગ જળમાં જળ સમો આભાસ છે

તરસ્યું મન હો ત્યારે મૃગ જળમાં જળ સમો આભાસ છે
તરસ મનની છીપાવી દે એવો ક્યાં જળ મહી અવકાશ છે?

અહી યાદોમાં પણ યાદો તણો આંખો મહી વસવાટ છે
કે સપનાઓમાં સપનાઓનો જાણે કોઇનો આવાસ છે.

તમે પણ પારકાં સામે નજર માંડી બગાડો ના નજર
જબરજસ્તી કરીને છીનવી લીધેલ સૌ બકવાસ છે.

ગગનમાં વાદળો દેખાઇ એમાં વરસે ના વરસાદ કૈં
ખબર ક્યાં વાદળૉને હોય કે ધરતીની કેવી પ્યાસ છે?

બને પંડીત થોથાઓ ભણી,પણ એમ નાં માણસ થશો,
અહી વાંચીને જે સમજે છે ત્યાં સાચી વિધ્યાનો વાસ છે.

સદા મારું ને તારું કરતા જીવન આખુ જો ફોગટ ગયું
જશે જ્યાં શ્વાસ ત્યા માણસ નહી,પણ માનવીની લાશ છે.

-રેખા પટેલ(વિનોદિની)