મારી કવિતાની પ્રશંશા માય તારી વાત લઇને આવશે

મારી કવિતાની પ્રશંશા માય તારી વાત લઇને આવશે
હું મૌનની આગોશમાં સરતી રહું તો યાદ લઇનેઆવશે

સૂરજ ડૂબે છે રાતમા,અંધારૂ વળગી જાય છે બિન્દાસ્ત થઇ
વ્હેલી પરોઢે સૂર્ય ઉગતા રાત માટે ધાત લઇને આવશે

હું સત્યના રસ્તે સતત ચાલ્યા કરૂં છુ યાદની ખૂશ્બૂ ભરી
સંબંધ ખોટા છોડશો તો સત્ય પણ બારાત લઇને આવશે

આપ્યુ નથી સરનામુ ભૌતિક સ્થળનુ હું જ્યા રહું છુ કાયમી
યાદોની ફોરમ પોસ્ટ સરનામા વિના સૌગાત લઇને આવશે

દરિયો છુપાયો છે નયનમા જિંદગીમાં મૌજની ધારા બની
મઝધારમાં અસ્તિત્વ ખોવાતા કિનારે લાશ લઇને આવશે

આખો દિવસ શમણા વહેતા જાય મારા શાંત કોલાહલ મહીં
છેલ્લી પહોરે તુય ઝાકળથી ભરેલી પ્યાસ લઇ નેઆવશે
રેખા પટેલ(વિનોદિની)
ગાગાલગા-ગાગાલગા-ગાગાલગા-ગાગાલગા-ગાગાલગા