સહુ સંગ મહેક્યા કર

એકબીજા ના હાથનું ગ્રહણ હોય ત્યાં શરણ નડતું નથી
તું સબંધો ને સમજી ગુલાલ ઉડાવ્યા કર
ના રાખ રાગ મનમાં,બીજાને સમજ્યા કર
તું બની રંગારો સહુને રંગ્યા કર …..

એક્બીજાના નામનું સ્મરણ હોય ત્યાં અંતર પડતું નથી
તું પોતીકાની ખુશીયો સંગ બસ મલ્ક્યા કર
હશે જો દિલમાં પ્રેમ ,ના દ્વેષ વસે માન્યા કર
તું બની ફૂલ સહુ સંગ મહેક્યા કર …..
રેખા ( સખી )

 

છુટકો નથી

એક વાર ઘેરાયા તો વરસ્યા વિના છૂટકો નથી
હોય હૈયે પ્રેમ તો વહાવ્યા વિના છૂટકો નથી

મહોબ્બતમાં અમને ખુદ સામેથી લુંટી ગયા,
પામ્યા તમને એમ સમજાવ્યા વિના છૂટકો નથી

મદીરાલયમાં ખુબ પીધું તોય તરસ્યા રહ્યા
આંખોના સરબતને પીવરાવ્યા વિના છુટકો નથી

પ્રેમમાં ઝરણું નહિ તો ઝાંઝવાનો આભાસ છે
યાદના મોહક ભરમને સાચવ્યા વિના છુટકો નથી

ના સમજો દિલને તો કહેવાને મતલબ નથી
મૌન કેરા મોઘમને સજાવ્યા વિના છુટકો નથી

અજાણ્યા થઈ આગને સામે ચાલી આપે હવા,
સમયનું બહાનું ધરે કે હોલવ્યા વિના છૂટકો નથી .
રેખા ( સખી ) 5/27/13

.

 

,તન સાથે મન સજાવ્યું

ગુચીનું પર્સ બીજા હાથમાં એ ચાવી બીએમ ડબલ્યુ

બહુ સુંદર રીતે તૈયાર થઇ ,તન સાથે મન સજાવ્યું

જતા જતા ઓહ ! પરફ્યુમ ભુલી ગઈ યાદ આવ્યું .

રૂમમાં જઈ માઈકલ કોર નું ગમતું પરફ્યુમ ફેલાવ્યું

કોચના ગ્લાસીસ ચડાવી ગાડી નું સ્ટાર્ટર લગાવ્યું

વિચાર્યું ક્યા જાઉં તારા વિના મગજ ફરી ચકરાવ્યું

આંખો ભરાઈ અને હૈયું તારી યાદે ફરી તડપાવ્યું

અને પાછી તારી સોહબત થી મારું મન લલચાવ્યું

ત્યજી બધો સણગાર મેં યાદોનું કોડિયું પ્રગટાવ્યુ

હવે જાન જાય જો, પખવાડિયું વીતવા ચાલ્યું

રેખા ( સખી )