ના આપો દિલાસા અમે યાદો સંગ ઉજાણી કરીએ છીએ , સમય નું ચડતું વ્યાજ ભેગું કરી પ્રીત બમણી કરીએ છીએ .

ના આપો દિલાસા અમે યાદો સંગ ઉજાણી કરીએ છીએ ,
સમય નું ચડતું વ્યાજ ભેગું કરી પ્રીત બમણી કરીએ છીએ .

કોણ કહે છે દૂરતાથી દુખ વધે ને પ્રેમ માં સંદેહ આવે છે ,
અમે બંધ પાંપણે પણ તમારા પ્રેમની લ્હાણી લઈએ છીએ.

તમે નથી તો ક્યા જરૂર છે કોઈ ઘરબાર કે સાચવણી ની,
દુનિયાદારી ભૂલી અમે સુફી વણઝારા સંગે ફરીએ છીએ .

કરી લ્યો સનમ કસોટી અમારા પ્રેમની ક્યા ડરીએ છીએ,
હૃદય ને ભીતર એક સીતા હજુય જીવતી સાચવીએ છીએ

સમયની ભીડમાં ભટકી હોતા નથી તમે જો સ્મરણમાં
અમારા જ ઘર મહી અજાણ્યા થઇ રસ્તો પૂછીએ છીએ

અમથું કદી હેત ના બતાડો ડરી એનાથી જઈએ છીએ
બની અસ્વસ્થામાં અમે જિંદગી ભર ભટકી જઈએ છીએ
રેખા પટેલ