જીવન ભર સાથ દોડાવું તને

એક હાસ્ય રચના …
આવ મુઠ્ઠી જેટલા દિલમાં સમાવું તને
જો હા પડે તો તારા ઘરે થી ભગાવું તને

રૂપ સામે તારા હીરા માણેક શું ચીજ છે
મારા આંગણની બારમાસી થી સજાવું તને

ચાંદ જેવા ચહેરાની ચમક જો ઝાંખી થાય,
સુરજ સામે ઘરી બીલોરી કાચ ચમકાવું તને

રચાવી લે હથેળી માં મહેદી મારા નામની
તું બનાવે ને મારા હાથે કોળિયા ભરાવું તને

આ કઈ નથી ચાર દિવસ ની વાત સખી
ભણે હા તો જીવન ભર સાથ દોડાવું તને
રેખા ( સખી ) 4/10/13