તારો નેહ સતરંગી કમાલ રે,ઓ રંગ રસિયા ,

તારો નેહ સતરંગી કમાલ રે,ઓ રંગ રસિયા ,
તારા રંગમાં ઊર્મિ ઝબોળાઈ રે,ઓ સાંવરિયા .

તારા હેતમા હું નીતરી વાદળી રે,ઓ રંગ રસિયા ,
કોરી ચુનરી સંગ તારે ભીજાઈ રે,ઓ સાંવરિયા .

તારી નજરોમા પ્રેમે પોરસાઈ રે,ઓ રંગ રસિયા
મારા હોઠોના ગુલાબે છલકાઇ રે, ઓ સાંવરિયા .

કેસુડો પસરીયો કામણગારો રે ઓ રંગ રસિયા ,
હું તારી પ્રીતિના રંગે રંગાઇ રે ઓ સાવરીયા .

હોળી હોરૈયાની ભાતે સચવાઈ રે ઓ રંગ રસિયા ,
ધ્રુબક્યા ઢોલ ને રુદીયે ઢોળાઇ રે ઓ સાંવરિયા..

આભે ચંદાની પુનમી ચાંદની રે ઓ રંગ રસિયા,
કસુંબલ લાગણીના આસવે પીવાઈ રે ઓ સાંવરીયા.
રેખા ( સખી ) 3/26/13

 

એક બેરંગ રંગીન

હોળી નો રંગ
તારા બે ભરેલા હાથ જોઈ હું ચમકી ગઈ
અણધાર્યો હુમલો જોઈ ચીસ પડાઈ ગઈ।
મારી મસ્તી ભરી ના અને તારી તોફાની હા,
ત્યારે તો જીતાઈ મારીજ ના …
તને ભરેલા હાથે પાછો વળતા જોઈ
હું હરખાઈ પણ મનોમન સોરવાઈ હતી .
આજે તું બેરંગ છે
તું નથી કયાય અને હું છું રંગીન
પણ તું શું જાણે છે ત્યાર પછી હું રંગાઈ નથી ?
એક બેરંગ રંગીન
સખી
લાગણીઓ મા કઈ ના રેલા થાય
તે તો એક ટપકે જ દલડે સજાય R

 

ખુશી અને જિંદગી બન્નેવ સગી બહેનો
જાણે કમળની પાંદડીઓ પરથી હળવેકથી સરકી જતી ઝાકળની બુંદો.

“આજે આપણે જે શ્વાસ લઇ રહ્યા છીએ તેનું મુલ્ય જ્યારે છેલ્લા શ્વાસ ગણાતા હોઈશું
ત્યારેજ સમજાસે અને ત્યારે ખુબ મોડુ થઈ ગયુ હશે ”
રેખા ( સખી )

અહેસાન જતાવી વાદળાં બે છાટાં ભરીને વરસ્યાં
એમ દેખાડે કઈ થોડા ભરાય છે તળાવ તરસ્યા ?
રેખા ( સખી )

એક દીપક જ્યોતિ બની ભવ્ય સંપુટમાં સમાય,
એક પથ્થર શ્રધ્ધા થકી ભગવાન બની પૂજાય
રેખા

 

તું મનમુકી વરસ

મને તારા પ્રીતની તરસ “સખી” તુ મનમુકી વરસ
ઉર્મિઓના ખેલ મહી ડૂબવું સરળ તુ મનમુકી વરસ.

પ્રિયની સમીપ રહી કઈ ખ્યાલો માં રહેવાય નહિ
તરસ્યા અમે,હથેળીમાં સાવન લઇ તુ મનમુકી વરસ.

પ્રેમનો કાળજે પડ્યો ધા એ ઘટના કહેવાય નહિ
એ ફૂટતી કુપળ ને નેહની તરસ તું મનમુકી વરસ

રેખા (સખી) 1/7/2013

 

मंजिल मिले ना मिले

from google

मंजिल मिले ना मिले मंजिल की राह मिली,
वीरान सफ़र में इन्ही नजरो की आस मिली .

दिल आपको देखकर थम ही जाता मगर,
ओस में डूबी झील सी आँखें ख़ास मिली .

अच्छे बुरे की पहचान लगती थी मुश्किल,
अपनी सूरत दिखाते आइने में साँस मिली .

हया का पर्दा लगे ओठ तो हिलते नहीं थे,
मधुशाला सी भरी आँखों से प्यास मिली .

मेरा कई मर्जो का इलाज तेरी ये आँखें,
मन और धड़कन का एक आवास मिली .
रेखा ( सखी ) 3/18/13

 

મર્યાદા

મર્યાદા કઈ બલાનું નામ છે ?
એક સમજ કે મન નું બંધન ?
લાગણીઓ નું સન્માન કે
આશા અને અપેક્ષા ?
કે પછી મર્યાદા એટલે સ્ત્રી ??
રેખા

 

બસ એક તારું નામ

બસ એક તારું નામએટલે ફૂલની પ્રતીતિ
એની સુગંધમાં સમાઈ મારા હોવાની સ્મૃતિ

મારી ગમતી સાંજ એ તારી પુનમી પ્રીતિ
તારા સબ્દોના સ્પર્શે બીજ પાંગર્યાની તૃપ્તિ

રોપેલ કુંપળને જોઈતી નેહ વર્ષાની પ્રતીતિ
ઘેરાયેલ આકાશે દીધી મન મુક્યાની સ્વીકૃતિ

જતને જાળવેલ કલ્પતરુ કરે પ્રીતની પૂર્તિ
સંગ આપણે કરશું કાયમ ઠંડકની અનુભતી
રેખા (સખી) 3/16/13

 

એક હાસ્ય રચના

એક હાસ્ય રચના …..
અરે કોઈ કાળો કેર કરી ગયો
સાજો નરવો પ્રેમમાં પડી ગયો

ઓલ્યો કેવા રવાડે ચડી ગયો
અવધૂત જો રસિયો બની ગયો

ના ઘરમાં રહ્યો ના ઘાટે ગયો
કેવો હતો જોને કેવો થઇ ગયો

તેને કલમ નો રંગ અડી ગયો
કવિતા ના રવાડે ચડી ગયો
રેખા (સખી ) 3/6/13

 

यहाँ बर्फ है छाई

हम कैसे कहे बसंत की ऋतु आई.
यहाँ आसपास अब भी है बर्फ छाई

हवा सौरभ फुलो से लेकर आई,
यहाँ सर्दी ने फूलों की हँसी चुराई

वहा जब फुलोसे डाल लचक गई
यहाँ बर्फ के गोलों ने रमत रचाई

कोयल की कुहू से दिशा भर आई
यहाँ सन्नाटे की हवा चली आई

वहा बसंत आई यहाँ बर्फ है छाई
रेखा ( सखी ) 2/14/13 . USA

 

ફૂલવાડીમાં

તમારા પગરવે ,
તરવરતાં ફૂલડાં ખીલે ફૂલવાડીમાં.
હાસ્યના ખખણાટે ,
મઘમઘતા ગુલાબ મહેકે ફૂલવાડીમાં.
સહજ હોઠ ફફડે ,
ઝગમગતો સુરજ વિચરે ફૂલવાડીમાં.
સહજ મધુરા ગાન ,
ગુનગુનાતી સાંજ નીસરે ફૂલવાડીમાં.
રંગીન નજરે ,
ઇન્દ્રધનુષ્ય વિસ્તરે ફૂલવાડીમાં
વરસતી વાદળીમાંય ,
ઝરમરતા સ્નેહ નીતરે ફૂલવાડીમાં
રેખા ( સખી ) 2/9/13